2 Ti 2:22 - Chuj San Sebastian Bible

²² Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

Chuj San Mateo Bible

²² Iq'uel a b'a d'a scal chucal sc'ulej eb' etquelemal. Te tojol tzutej a b'eyb'al. An̈ej Cajal Jesús tzac'och d'a a c'ool. Tza xajanan eb' anima. Junc'olal tzutej a b'a. Junxon̈ej pax tzutej a b'a yed' eb' malaj jab'oc spaltail d'a yichan̈ Cajal Jesús, ayic syalan sb'a eb' d'ay.

2 Ti 2:22 Iomraidhean Croise

Salmos 119:9

¿Tas wal smoj sb'on win quelem, sec tojl tzyutj win sb'eyb'al? Cojn to tzyiclj a paxti'.

Salmos 17:1

Mamin Jehová 'ab' wal tas tzwal 'ayach, 'ochn̈ wal q'ueln 'ayin, yic tzwaln in b'a 'ayach. Maclj wal ab' in lesal, yujto man̈ in c'ayncoc wa'n 'es.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 6:5

masnto tzach 'el 'a yalan̈, 'icha tz'aj yel e no c'ultquil chej 'a eb' ma'm noc'. 'Ij 'el a b'a 'a 'a, 'icha tz'aj yel e no ch'ic 'a junc ya'al.

Pr 7:8

A yic yemc'ul xo, yic wan sq'uic'b' cha'an̈, 'ix 'e'ch win 'a jun 'isquinyo. 'Ix sc'axptan 'ec' jun caye tz'ec' 'a stojlal 'aj 'ay yatut jun 'ix 'ajmul 'ix 'ay yichmil.

Lv 15:18

Toto 'ay junc winac, 'ay tas tzb'o yet' junc 'ix 'ix, yowlal tz'achn eb' schawn̈il, palta mant wach'c eb' masnto yic tzq'uic'b' 'ejmi.

A Tas Sc'ulejnac Eb' Schecab' Jesús Hechos 7:59

Wan xo sjuln cham eb', 'ix leslwi Esteban, 'ix yaln 'ixtic: —Ach Wajlil Jesús, chaj in pixan, xchi.

A Tas Sc'ulejnac Eb' Schecab' Jesús Hechos 9:14

A ticnec 'ix jaw win 'a tic. 'Ix 'ajx yopiso yuj eb' sat ya'mal 'och qui ti 'aych on̈, yic tzyamn win jantcn̈ej eb' tzyal sb'a 'ayach, xchi.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

1 Co 10:14

Yuj cha, ex chamc'ojlb'il wu'uj, caw man̈ eyal e b'a 'a jun tzo'n̈ tzalx 'och diosal.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

1 Co 6:18

Yuj cha, caw tzeyij 'el e b'a 'a 'ajmulal. Yujto tzann̈j jun tzo'n̈ xo maysch'olnil tzb'o eb' 'anma', man̈oc sniwnal eb' tzmulni. Palta a mach tzb'on 'ajmulal cha, caw a 'a sniwnal chi tz'och smul.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

A Sb'ab'el Carta San Pedro 3:11

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

3 Jn 1:11

Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.