2 Ti 2:2 - Chuj San Sebastian Bible

² 'Ay jun tzo'n̈ cuynb'il ab'jnac waln 'el 'a scal nan̈l eb' creyente. A jun tzo'n̈ cuynb'il cha, tzac' scuy eb' yiclum, eb' tztac' scuywj 'a eb' yit creyenteal.

Chuj San Mateo Bible

² Ay juntzan̈ c'ayb'ub'al ix ab' valan d'a scal eb' tzijtumal creyente, tza c'ayb'ej eb' creyente c'anab'ajum d'ay, aton eb' syal pax sc'ayb'an eb' yetcreyenteal.

2 Ti 2:2 Iomraidhean Croise

Esdras 7:10

Yujto caw 'aych 'a snab'en Esdras scuyn sley Jehová, tzb'eylb'an paxi, tzcuyn pax eb' yit israelal 'a jun ley cha.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Nehemías 7:2

Xwa'n 'och wu'tac Hananí yet' Hananías syajlilc cuartel 'a Jerusalén, yujto a jun winc cha, caw tojl snab'en, caw 'ay xiwc'ojlal 'a Dios 'a yib'n̈ jun tzo'n̈ xo eb'.

Salmos 101:6

'Oj wil yet' in sat, mach eb' 'anma wach' sb'eyb'al 'a sat lum lum tic, a eb' 'oj wa'ch yopiso wet'oc. A eb' tojl snab'en, a eb' chi 'oj 'och in checb'oc.

Pr 13:17

A junc checb' to man̈ wach'c tz'aj 'el'ch junc checnb'il yu'uj, cojn owl tzyij coti; ax junc checb' caw wach' tz'aj 'el'ch schecnb'il cha, caw 'ay junc'ojlal yu'uj.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Nm 12:7

Palta ax yet' in checb' Moisés, man̈ 'ichcta tzwutej, yujto cojn wal jun in checb' tic caw yiclum tzyutj sb'a 'a scal eb' wico',

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 24:25

'Aycto, tzwaln can jun tzo'n̈ tic 'ayex.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

1 Co 4:2

A mach tz'ajx yopiso, yowlal caw tzyiclj wal smunlj 'a jun tz'a'n yopiso cha.

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

2 Co 3:5

Man̈toc tzqui na 'on̈, to mun tztac' cuj qui ch'ocj on̈. Palta yujn̈ej to 'aych Dios quet' on̈, tztac' junc tas cuj on̈.

A Scarta San Pablo D'a Eb' Aj Colosas 1:7

A Epafras, a cuyjnacx 'a jun 'ab'x tic. Chamc'ojlb'il cujec, yujto quit munljumal qui b'a yet' on̈. Caw yiclum tzyutj sb'a ya'n servil Cristo 'a e cal ta'.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

1 Ti 5:22

Man̈ a comn 'a'c 'och yopiso junc mach muc'uc, yic mantzac a b'eyc'ojlej. Toto tz'och smul, caw locn ach yet' 'a smul chi 'a sat Dios. Caw tzej 'el a b'a 'a junc tzann̈j maysch'olnil.

1 Ti 6:12

'Icha junc soldado, caw te'n tzyutj sb'a, 'ixta tzotj a'n 'och a c'ojl 'a Cajlil. 'Ixta tzotj a chan a q'uinl 'a jun 'ejmn̈ej. Yuj wal a q'uinal, ach yawtn 'och Dios yico'oc. Caw wach' xotj aln 'a sat nan̈l eb' x'ab'n alni, chajtlto a Jesucristo Cajlil.

2 Ti 3:10

Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc.

2 Ti 3:14

Palta ach xo, caw te'n tzotj a'n 'och a nab'en 'a jun tzo'n̈ cuynb'il a cuyjnac. Caw 'aych a c'ojl 'a jun tzo'n̈ cuynb'il cha, yujto ojtac mach cuyjnac ach.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.