2 Ti 1:8 - Chuj San Sebastian Bible

⁸ Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

Chuj San Mateo Bible

⁸ Yuj chi', man̈ ach q'uixvoc alanel yab'ixal Cajal Jesús. An̈ejtona' man̈ ach q'uixvoc pax vuuj, yujto a ticnaic preso vaj yuj Cajal Jesús chi'. Man̈ ach xiv ab'an pax syail yuj jun vach' ab'ix yic colnab'il, yujto a Dios van yac'an spoder d'ayach ved'oc.

2 Ti 1:8 Iomraidhean Croise

Salmos 119:46

'Oj wal jun tzo'n̈ tas tzal tic 'a yojltac eb' rey, ma'oj in q'uixw walni.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Lc 9:26

Toto 'ay mach tzq'uixw wu'uj, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb', yic 'oj in jawi ax woch reyal. 'Oj in jaw yet' spoder in Mam, yet' pax eb' yángel yic yaji.

Jn 15:27

An̈jtona', 'ixta 'ex, 'oj eyac' pax testigoal e b'a wu'uj, yujto jun 'e'nc ex wet'oc yictax yel yich in munljel tic.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

A Tas Sc'ulejnac Eb' Schecab' Jesús Hechos 5:41

Yuj cha, 'ix 'elt eb' schecb' Jesús chi 'a yojltac ewin sat yajl cha. Caw 'ix tzalj eb', yujto yujn̈ej Jesús, 'ix yab' eb' syal 'icha tznib'j Dios.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

Ro 9:33

Yaljnac Dios yab'xil Cristo 'a Ch'an̈ U'un̈, 'aj alb'il can 'ixtic: A 'a chon̈b' Sión, ata 'oj wa'cn 'och jun mach 'icha junc q'uen q'uen 'aj tztench eb' yoc, tztelw eb' yu'uj, 'ixta 'oj 'aj 'a sat eb'. Palta a eb' 'oj ya'ch sc'ojl 'a 'a, ma'oj somchjc 'el eb' yu'uj, xchi.

1 Co 1:6

Eyu'uj, 'ix checlj 'el yab'xil Cristo, chajtlto caw yel.

2 Co 6:7

A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

Ef 3:1

Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

A Scarta San Pablo D'a Eb' Aj Filipos 1:7

Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

A Scarta San Pablo D'a Eb' Aj Filipos 3:10

Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

1 Ts 3:4

A yic quec' 'ayx ta 'on̈, caln can 'ayx on̈, to yowlal tzcab'c syail. Eyojtac, 'ix 'el'ch 'icha wal yaj caln can 'ayx on̈.

1 Ti 2:6

A xwul yac' cham sb'a, sec 'oj stac' scolchj eb' 'anma smasnil yu'uj. A yic 'ix jaw stiempoal jun tic, 'ix alx 'el yab'xil.

2 Ti 1:10

At yic swulc' qui Colmal Jesucristo, atta 'ix checlj 'el swach'c'ojlal Dios 'ayon̈. A Jesucristo x'a'n lajwc spoder chamel. Yuj jun wach' 'ab'x yic colnb'il, xcheclj 'eli, to a tz'a'n qui q'uinl 'a jun 'ejmn̈ej. Yuj cha, man̈x 'a yel'ch chaml 'ayn̈ ticnec.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

2 Ti 2:3

'Icha junc soldado caw wach', 'ixta tzotj a'n techjoc ab'n syail, yujto wan a'n servil Jesucristo.

2 Ti 2:8

Caw tza na cot Jesucristo, atn jun yin̈tl David pitzwnac pax 'a scal eb' chamnac. 'Ixta tzyal jun wach' 'ab'x yic colnb'il tzwal-li.

2 Ti 2:9

Yujn̈ej to tzwal-l jun wach' 'ab'x tic, wan wab'n syal ticnec. Yu'uj 'aych q'uen cadena 'ayin, 'icha to caw 'ajmul in 'a sat ley. Palta ax spaxti Dios, man̈ 'ayc 'och cadena 'a 'icha waj tic.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 1:2

Jantcn̈ej jun tzo'n̈ tas 'ix wila, a tzwala. Atn spaxti Dios a tzwala. A jun tzo'n̈ 'oj wal tic, a Jesucristo 'ix yac' testigoal sb'a yu'uj.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.