2 Ti 1:5 - Chuj San Sebastian Bible

⁵ Wojtac, yelc'ojlal tza'ch Cajlil 'a a c'ojol, 'icha sb'ab'l 'utjnac sb'a a nunchichm Loida, yet' a nun Eunice. Wojtac, 'icha yutjnac eb' ya'n 'och sc'ojl 'a Cajlil, 'ixta tzotj pax a b'a jun xo.

Chuj San Mateo Bible

⁵ Vojtac to tzac'val och Cajal Jesús d'a a c'ool, icha yutejnac sb'a ix a nun chichim ix Loida yed' ix a nun ix Eunice. Vojtac to icha yutejnac sb'a eb' ix chi', icha pax chi' tzutej a b'a.

2 Ti 1:5 Iomraidhean Croise

Salmos 116:16

A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.

Salmos 17:1

Mamin Jehová 'ab' wal tas tzwal 'ayach, 'ochn̈ wal q'ueln 'ayin, yic tzwaln in b'a 'ayach. Maclj wal ab' in lesal, yujto man̈ in c'ayncoc wa'n 'es.

Salmos 18:44

A yic tzyab'n eb' tas tzwala, yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.

Salmos 22:10

Yictax mantzac in 'alji, 'ayn xon 'och 'a yol a c'ab'; yic 'ayn to 'ec' 'a yol sc'ojl in nun, in Diosal ach xoni.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 77:6

Ax 'a 'ac'wal tzin nan coti chajtl in b'itn 'a yic pecti'. Tzin nan 'ixtic:

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Salmos 86:16

'Ilt in wal coti, 'o'ch cab' wal a c'ojl 'ayin. Coln 'el an a checb' in tic, 'ac' wal wip.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

A Tas Sc'ulejnac Eb' Schecab' Jesús Hechos 16:1

'Ix c'och Pablo yet' Silas 'a chon̈b' Derbe. 'Ix 'atx eb' ta', 'ix c'och eb' 'a chon̈b' Listra. Ata x'ilchj jun creyente Timoteo sb'i yuj eb'. A jun cha, yune jun 'ix creyente israel, griego smam.

A Tas Sc'ulejnac Eb' Schecab' Jesús Hechos 26:26

Ax rey Agripa tic, yojc xon jun tzo'n̈ tic si'mb'il. Yuj cha, caw te'n tzwutj in b'a waln jun tzo'n̈ tic 'a yojltac. A jun tzo'n̈ tzwal tic, man̈ c'ultacc yaji, c'uxn yojc eb' 'anma smasnil. Yuj cha wojtac, to yojc pax win rey tic.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 14:5

'Ay eb' creyente tzalni, to 'ay jun tzo'n̈ c'u yel xo niwn yel'chi. 'Ay pax eb' tzalni, to lajnn̈ej junjn c'u, may junc yel xo niwn yel'chi. Yuj cha, qui nac jun tic 'a qui jolm junjn on̈ec, 'aj tzon̈ canec.

Ro 15:14

Ex wu'tac, ex wanab', wojc xoni, to caw wach' e nab'en, caw jeln ex 'a yic Dios. Wojc paxi, to caw tztac' laj eya'lanc e nab'en ta'.

Ro 4:21

yujto yojc win si'mb'il, to 'ay spoder Dios sb'on 'icha yaj yaln can 'a winac.

Ro 8:38

Yuj cha, caw wojtac to may junc tas tztac' on̈ yi'nec 'el 'a schamc'ojlal Dios. Toxn̈ej 'oj jawc chamel, qui q'uinlec, mto junc ángel, mto junc xo 'ay spoder, junc tas 'ayc' ticnec, mto junc tas tot 'oj jawoc,

2 Co 6:6

Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

2 Ti 3:15

Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

A Ch'an̈ Carta D'a Eb' Hebreo 6:9

Palta ex chamc'ojlb'il cuj on̈, wach'xam xcalb't jun tzo'n̈ tic 'ayx on̈, tzca'ch yipc qui c'ojl on̈, to wan e chan swach'c'ojlal Dios. Yuj cha, cojc on̈, to 'ayx e colnb'il.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.