2 Jn 1:12 - Chuj San Sebastian Bible

¹² Til to wal jun tzo'n̈ xo tas tzin nib'j tzwal 'ayex, palta matz in tz'ib'j 'at 'a jun in carta tic. Yujto tzin na'a, toq'ue 'oj stac' in 'at ex wila'. Atta 'oj in wach' alc can jun tzo'n̈ xo tas 'ayex, sec 'oj wach' jawc qui tzaljc'ojlalec ta'.

Chuj San Mateo Bible

¹² Tzijtumto tas in gana sval d'ayex, palta malaj in gana tzin tz'ib'ejb'at d'a jun in carta tic, yujto tzin na' ta icha chi' ol b'at ex vila'. Ato ta' ol in vach' alejcan juntzan̈xo tic d'ayex, yic vach' ol ja co tzalajc'olal ta'.

2 Jn 1:12 Iomraidhean Croise

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

Jn 15:11

Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.

Jn 16:12

Til to wal tas tzin nib'j tzwal 'ayex, palta mantzac nachj 'el eyuj ticnec.

Jn 16:24

Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.

Jn 17:13

'Oj in paxx 'ayach. Palta ya' sb'a 'aynto 'ec' jacx 'a yolyib'n̈q'uinl tic, tzwaln can jun tzo'n̈ tic, sec wach', 'icha tzin tzalj tic, 'ixta 'oj tzaljc pax eb'.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

2 Ti 1:4

Tzin na coti, chajtlto caw 'o'nc ach, yic a can wu'uj. Caw tzin nib'j tzach wil jun 'ejm xo, sec 'oj wach' jawc in tzaljc'ojlal.

Filemón 1:22

Yet' pax junx tic tzwalb't 'ayach, tzac' lista jac in posada ta'. Toq'ue 'oj 'el 'a sc'ojl Dios 'oj in ya't 'ayx ta', 'icha tzeyutj e leslwi.

A Ch'an̈ Carta D'a Eb' Hebreo 13:19

An xo tic, caw tzin tew 'at 'ayex, caw tzex leslwi wu'uj, sec 'oj stac' in c'ochx 'ayx jun 'ejm xo muc'uc.

A Ch'an̈ Carta D'a Eb' Hebreo 13:23

Tic tzwalb't 'ayex, a cu'tac Timoteo, x'el 'a libre. Toto 'oj jawc 'a tic muc'uc, 'oj 'at wet'oc, ax 'at ex wilnoc.

1 Jn 1:4

Yuj cha, tzqui tz'ib'n 'at jun tzo'n̈ tic 'ayx on̈, sec 'oj wach' tz'acwc e tzaljc'ojlal quet' on̈.

3 Jn 1:10

Yuj cha, a yic 'oj in c'och 'ayx ta', 'oj wala', tas smul winac. Yujto ton̈j tz'ec' yac' win jun tzo'n̈ 'es 'ayx 'a qui patc on̈. Man̈ cojnoc jun tzo'n̈ chi tzyal winac. Matz chaj pax win jun tzo'n̈ eb' cu'tac tzc'och 'ayx ta'. Toto 'ayx tze nib'j tze chaj eb', caw 'ay yowlal yuj winac. An̈jtona tzex scaw pechj 'el win 'a scal eb' yic iglesia cha.