A Ch'an̈ Schab'l Libro Samuel 9:7 - Chuj San Sebastian Bible

⁷ 'Ix yaln David 'a win 'ixtic: —Man̈ ach xiwoc, yujto wach' 'oj 'ach wutoc, yuj in chamc'ojlal 'a Jonatán win a mam. 'Oj wac' meltzjoc smasnil lum slum a mam 'ichm Saúl 'ayach, ax a wa wet' 'a in mexa 'a junjn 'ejem, xchi.

Chuj San Mateo Bible

⁷ Ix yalan vin̈aj David chi' d'a vin̈ icha tic: —Man̈ ach xivoc, vach' ol vutej in b'a d'ayach yuj b'aj xajan yilnac in vin̈aj Jonatán vin̈ a mam. Ol vac'xican masanil lum sluum vin̈ a mam icham aj Saúl d'ayach. Ol ach van̈ej ved' d'a in mexa, xchi vin̈.

A Ch'an̈ Schab'l Libro Samuel 9:7 Iomraidhean Croise

Gn 43:18

Yuj cha, caw xiw chan̈ ewinac, yujto x'ijx 'at eb' 'a yatut winac. Xlaj yal-lanc eb' 'a junjn 'ixtic: —Caw tu jun tic, tecn yuj q'uen tumn xyac' meltzjoc ewin 'ayn̈ec, yuj cha, tzon̈ 'ijxec cot 'a tic, tecn 'oj on̈ ya'ch ewin smosooc yet' e no qui chejc tic, xchi ewinac.

Gn 43:23

Xyaln win mayltoma chi 'ixtic: —Man̈ ex 'och 'il yuj jun cha, man̈ ex xiwoc. A e Diosal yet' e mam, a x'a'n 'ejm q'uen 'a yol sti e coxtl chi jun 'ejm xo. An xin chaj q'uen e tumn xeyac' stojloc 'ixm e trigo xeyij cha, xchi win 'a ewinac. Xlajw cha, xyi'n 'elt win mayltoma win Simeón 'a preso, x'el-l win 'a 'aj 'ayc' eb' 'u'tacab'il cha.

A Ch'an̈ Schab'l Libro Samuel 12:8

'Ix wa'n yatut winac, yet' eb' 'ix yistzil win ajlil chi 'ayach, ach wa'n 'och sreyloc chon̈b' Israel yet' Judá. Toto jab' wal jun tzo'n̈ tic tzela, tztac' pax wa'n nan̈locx 'ayach.

A Ch'an̈ Schab'l Libro Samuel 19:28

Wach'xam smasnil eb' yin̈tl in mam 'icham, smoj wal xin milx cham yet' eb' 'a ojltac, palta ach tic, in awtj wac 'et 'a a mexa, yuj cha, ¿tas to wach' tztac' in c'ann 'ayach? xchi Mefi-boset cha.

A Ch'an̈ Schab'l Libro Samuel 19:29

—Man̈x 'a tas wach' calni, tox xin na'a, to tza poj lum a lum yet' Siba, xchi win rey cha.

A Ch'an̈ Schab'l Libro Samuel 19:33

'Ix yaln win rey 'a Barzilai chi 'ixtic: —Con̈ wet' 'a Jerusalén, 'oj ach in watzoc ta', xchi David.

A Ch'an̈ Schab'l Libro Samuel 21:7

Ma'ix 'ajx Mefi-boset 'a yol sc'ab' eb', atn jun yunnal Jonatán, yixchicn Saúl, yujn̈ej to ya'jnac David sti 'a Jonatán, 'a yojltac Jehová.

A Ch'an̈ Schab'l Libro Samuel 9:1

'Ix yaln David 'ixtic: ¿'Ayt am junc yin̈tl Saúl xcani, 'a 'aj wach' tzin colwj yuj in chamc'ojlal 'a Jonatán? xchi.

A Ch'an̈ Schab'l Libro Samuel 9:10

Ach xo tic, yet' smasnil eb' onnal yet' smasnil eb' a checab', 'oj e munlj 'a sat lum slum win cha, ax sb'al lum 'oj yac'a, 'oj e mol 'a yol sc'un̈ail, sec 'ay tas 'oj sc'ux eb' yunnal win yixchicn win a patron̈. Ax Mefi-boset tic 'oj wa 'a junjn 'ejm wet' 'a in mexa, xchi David. A win Siba cha, 'ay olajn̈wan̈ yunnal, junc'lwan̈ schecab'.

A Ch'an̈ Schab'l Libro Samuel 9:11

'Ix ta'w Siba chi 'a win rey 'ixtic: —Mamin rey, a smasnil tas tzal 'ayin 'oj in b'o 'icha tas tzal cha, xchi winac. Ax win Mefi-boset, 'a junjn c'u tzwa win yet' David 'a smexa, 'icha wal 'unnab'il x'aj win 'a win rey cha.

A Ch'an̈ Schab'l Libro Samuel 9:13

Palta a 'a Jerusalén ata cajn Mefi-boset, atn win may yip yoc, yujto ata tzwa yet' win rey.

A Ch'an̈ Schab'l Libro Samuel 9:3

'Ix yaln David 'a win 'ixtic: —¿Man̈x am wal junc yin̈tl win Saúl xcani, 'a 'aj wach' tzin ch'ox in wach'c'ojlal, 'icha wutjnac wa'n in ti 'a sat Dios? xchi. —'Ayt can jun win yunnal Jonatán may yip yoc schab'il, xchi Siba.

A Ch'an̈ B'ab'el Libro Yic Yab'ixal Eb' Rey 2:7

Palta ax eb' yunnal Barzilai 'aj Galaad, tza chamc'ojlej eb' in c'ana'. Tzawtjn̈ej eb' wac et'oc, yujto a eb' 'ix colwj 'ayin, yic in 'at 'elc 'a o'tac Absalón.

A Ch'an̈ Schab'il Libro Yic Yab'ixal Eb' Rey 25:29

'Ix sjeln 'el Joaquín spichl tzc'an 'a yol preso cha, 'ix wa yet' win rey, a tzyal jantcto stiempoal pitzan.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Jeremías 52:33

'Ixta to b'i'an, 'ix sjeln 'el Joaquín spichl tzc'anlb'ej 'a yol preso, axn̈ej yet' win rey chi xwa 'a smasnil tiempo.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Mt 6:11

Tzac' tas tzqui c'ux 'a jun c'u tic on̈.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

A Ch'an̈ B'ab'el Libro Samuel 20:15

Toto tox xin cham jun, tzin c'an 'ayach, to tza na cot eb' win̈tl 'a smasnil tiempo. A yic 'oj satxoc 'el eb' 'ajc'ojl yuj Jehová, matz satl cab' in b'inab'ilal 'a yol a macb'en, xchi Jonatán.

A Ch'an̈ B'ab'el Libro Samuel 22:23

Palta cann̈ wet' 'a tic, man̈ ach xiwoc, yujto a jun tzach nib'n milnc chamoc, an̈jtona', tznib'j tzin smil paxi. Toto tzach can wet'oc, 'oj a colchji, xchi David.