A Ch'an̈ Schab'l Libro Samuel 8:6 - Chuj San Sebastian Bible

⁶ Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

Chuj San Mateo Bible

⁶ Elan̈chamel ix yac'och eb' soldado vin̈aj rey David chi' d'a yol yic Damasco chi', icha chi' ix aj scan eb' sirio chi' d'a yalan̈ smandar vin̈. Ix checji yac' tumin eb' d'a junjun ab'il. A Jehová ix och yed' vin̈, yuj chi' yaln̈ej b'aj ix b'at vin̈ yac' oval, ix yac'n̈ej ganar vin̈.

A Ch'an̈ Schab'l Libro Samuel 8:6 Iomraidhean Croise

A Ch'an̈ Schab'l Libro Samuel 10:19

Ax xyiln eb' rey 'aych colwjoc yet' win Hadad-ezer, to xlajw 'el eb' yuj eb' israel, 'ix yaln eb' to tz'och eb' 'a junc'ojlal yet' eb'. Yuj cha, xcan eb' 'a yaln̈ schecnb'il David. Ye'n̈j cha, man̈x 'a 'aj xcolwj eb' sirio chi 'a eb' amonita cha, yujto xiwcn 'el eb'.

A Ch'an̈ Schab'l Libro Samuel 23:14

A David 'ayc' 'a yol scuartel, ax 'a Belén, ata 'ay nan̈l eb' soldado filisteo.

A Ch'an̈ Schab'l Libro Samuel 3:18

A ticnec jun, 'el'ch cab'i', yujto 'ix c'och stiempoal yochi, yujto ya'jnac Jehová sti' 'a David chajtlto yu'uj, ax qui colchj 'el an̈ schon̈b' on̈ tic 'a yol sc'ab' eb' filisteo, yet' pax 'a yol sc'ab' jun tzo'n̈ xo eb' 'ajc'ojl yajch 'ayn̈ec, xchi.

A Ch'an̈ Schab'l Libro Samuel 5:10

A Jehová Dios tzta'n̈j yuj smasnil, a 'aych yet' David, yuj cha, yel xo wal tzq'ue'ch yet' sjelnal.

A Ch'an̈ Schab'l Libro Samuel 7:9

Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

A Ch'an̈ Schab'l Libro Samuel 8:14

Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

A Ch'an̈ Schab'l Libro Samuel 8:7

Xlajw cha, xyi'n can 'ec' David jun tzo'n̈ tzmacn sat jul-lab' nab'a oro 'a eb' soldado yic Hadad-ezer, 'ix yi'n cot 'a Jerusalén.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

A Ch'an̈ Schab'il Libro Yic Yab'ixal Eb' Rey 1:1

A yic tox 'ix cham Acab, 'ix yi'n 'el sb'a Moab 'a yaln̈ schecnb'il chon̈b' Israel.

A Ch'an̈ Schab'il Libro Yic Yab'ixal Eb' Rey 14:28

Ax jantc to yab'xil Jeroboam yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel. Ata tzyal yab'xil smasnil owl 'ix yac'a', yic 'ix yi'n can pax 'ec' jun tzo'n̈ chon̈b' to yic xon Israel 'a yaln̈taxi, atn Damasco yet' Hamat.

A Ch'an̈ Schab'il Libro Yic Yab'ixal Eb' Rey 18:7

Ax smasnil tas sb'o Ezequías cha, wach' 'ix 'el'chi yujto 'aych Jehová yet'oc. 'Ix meltzj 'och 'a sreyl chon̈b' Asiria, ma'ix schaj 'och sb'a yac' servil.

A Ch'an̈ Schab'il Libro Yic Yab'ixal Eb' Rey 3:4

A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

1 Cr 18:13

Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

2 Cr 17:2

'Ix ya'n 'och soldado 'a smasnil chon̈b' 'aych smuroal 'a yol yic Judá, 'ix ya'n pax 'och soldado tzcan tan̈wnoc smasnil chon̈b' 'ay 'a yol yic Judá cha, yet' 'a jun tzo'n̈ chon̈b' 'a yol yic Efraín, atn jun tzo'n̈ chi 'ix yijcn 'ec' smam, atn Asa.

Salmos 140:7

Wajlil ach, in Colmal pax aji to tztac' oj smasnil. Ach tzin a col 'a scal owal, xin chi.

Salmos 60:10

Ach qui Diosal on̈, 'in to on̈ a patquilj can 'eli; yuj cha, man̈xtoc ach colwj yet' eb' qui soldado on̈.

Pr 21:31

A eb' soldado, tzyac' lista eb' schej yic tz'at eb' 'a owal, palta cojn yuj Jehová tzya'n ganar eb'.

A Ch'an̈ B'ab'el Libro Samuel 13:3

Ax Jonatán 'ix smil jun c'aj eb' soldado filisteo 'a Gabaa. A eb' filisteo cha', 'ix yab' sb'a eb' yuj jun cha. Yuj cha, yajn̈ej xya'n win Saúl 'utz'xoc q'uen trompeta 'a smasnil yol yic israel, yic tzyamn sb'a eb' soldado smasnil.

A Ch'an̈ B'ab'el Libro Samuel 14:1

'Ay jun c'ual, 'ix yal Jonatán win yunnal Saúl 'a jun schecb' 'et'jnac syamc'ab' yic owal, xyaln 'a 'ixtic: —Con̈ wet'oc, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' filisteo, xchi. Palta may tas 'ix yal yab' smam.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.