A Ch'an̈ Schab'l Libro Samuel 8:16 - Chuj San Sebastian Bible

¹⁶ A eb' 'ix ya'n yajlil yet'oc, atn eb' tic: Win Joab yune 'ix Sarvia, a win syajlil eb' soldado, Josafat win yunnal Ahilud, a tz'ib'n yab'xil tas tzb'o win rey.

Chuj San Mateo Bible

¹⁶ A eb' ix ac'an yajalil yed' vin̈, aton eb' tic: Vin̈aj Joab yune' ix Sarvia, yajal vin̈ d'a eb' soldado smasanil, vin̈aj Josafat yuninal vin̈aj Ahilud, tz'ib'um yaj vin̈ d'a vin̈ rey chi'.

A Ch'an̈ Schab'l Libro Samuel 8:16 Iomraidhean Croise

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

A Ch'an̈ Schab'l Libro Samuel 19:13

'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ Schab'l Libro Samuel 2:13

Ax pax Joab win yune 'ix Sarvia, x'el yet' eb' soldado David 'a chon̈b' Hebrón, axta schaj sb'a yet' Abner 'a 'aj tzyam sb'a a a yic Gabaón. A chamacn̈ eb' soldado cha, 'ix 'och wan eb' 'aj tzyam sb'a a a cha, junjn macn̈ eb' 'a junjn sc'axpil 'ec' a'.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ B'ab'el Libro Yic Yab'ixal Eb' Rey 4:3

Elihoref yet' Ahías yunnal Sisa, atn eb' tz'ib'n yab'xil tas tzb'o win rey; ax Josafat yunnal Ahilud, yajtz'ib' win rey yaji;

A Ch'an̈ Schab'il Libro Yic Yab'ixal Eb' Rey 18:18

Yajn̈j cha 'ix yawtn eb' win rey. Ax Eliaquim yunnal Hilcías, smayltomail sdespacho winac, yet' Sebna tz'ib'n 'ab'ix, yet' Joa yunnal Asaf, yajtz'ib' win rey, atn eb' tic 'ix wul chanc eb'.

A Ch'an̈ Schab'il Libro Yic Yab'ixal Eb' Rey 18:37

Xlajw cha, 'ix tziln jat Eliaquim spichul, yet' win Sebna, yet' Joa, 'ix 'at eb' 'a win rey Ezequías, xyaln eb' smasnil tas 'ix alx cha, caw 'ix tac sc'ojl eb' yuj tas 'ix yal win syajlil eb' soldado asirio cha.

1 Cr 11:6

A David cha, yaljnacx 'ixtic: A mach 'oj b'ab'l milnc cham junc eb' jebuseo tic, a 'oj wa'ch syajlilc eb' soldado, xchi. Ax x'aji, a mach xb'ab'lji, atn Joab yune 'ix Sarvia, yuj cha, a x'och syajlilc eb' soldado.