A Ch'an̈ Schab'l Libro Samuel 8:10 - Chuj San Sebastian Bible

¹⁰ 'ix schecn 'at jun yunnal tzcuch Jorám 'a rey David; xya'n 'at pax q'uen plata, q'uen oro, yet' q'uen bronce, yuj ya'n stzatzl sc'ojl David cha, yet' pax yuj yaln wach' paxti 'a 'a, yujto a Toi ya'jnac pax owl yet' Hadad-ezer cha.

Chuj San Mateo Bible

¹⁰ ix schecanb'at jun yuninal vin̈ scuchan Joram d'a vin̈. Ix yac'anpaxb'at q'uen plata vin̈, q'uen oro yed' q'uen bronce, yuj yac'an stzatzil sc'ol vin̈aj David chi' vin̈. Ix yalanpaxb'at vach' lolonel vin̈ d'a vin̈ yujto ix ac'ji ganar vin̈aj Hadad-ezer yuj vin̈, yujto yac'nac oval vin̈aj Toi chi' yed' vin̈aj Hadad-ezer chi'.

A Ch'an̈ Schab'l Libro Samuel 8:10 Iomraidhean Croise

Gn 43:27

Xlajw cha, sc'anb'n José 'a eb', toto tzaljc'ojlal yaj eb', xyaln 'ixtc 'a eb': ¿Wach'm sc'ojl e mam chi jun, win 'ichm winc eyaljnac 'ayin? ¿Pitzn to am winac? xchi 'a eb'.

A Ch'an̈ Schab'l Libro Samuel 8:11

A smasnil q'uen schaj David 'a winac, 'ix yac' 'a Jehová, yet' pax q'uen x'e'cn 'a yic x'och owl yet' Hadad-ezer win yunnal Rehob sreyl Soba, 'icha ya'jnac yet' jun tzo'n̈ tas yijnac 'ec' 'a jun tzo'n̈ xo nacion̈ 'aj 'ix yac' ganar owal: Atn 'a Edom, 'a Moab, 'a Amón, 'a eb' filisteo, yet' 'a eb' amalecita.

A Ch'an̈ Schab'l Libro Samuel 8:9

Yuj cha, ax Toi win sreyl Hamat, a yic xyab'ni chajtlto 'ix lajw 'el smasnil eb' soldado yic Hadad-ezer yuj David,

A Ch'an̈ B'ab'el Libro Yic Yab'ixal Eb' Rey 1:47

ax eb' 'aych 'a yopiso yet' win rey David, xit' yac' eb' stzatzl sc'ojl David cha, yujto tzaljc'ojlal x'och Salomón reyal. 'Ix yaln eb' 'a win 'ixtic: Niwquil cab' 'oj 'aj 'el'ch yopiso ni Salomón yuj Dios 'a yib'n̈ opiso mamin rey, b'inaxc cab' yet' yopiso 'a jun nacion̈ tic, xchi eb'. Ax pax rey David 'ix 'em n̈ojn yaln sb'a 'a Dios 'a sat sch'at,

1 Cr 18:10

yuj cha, 'ix schecn 'at yunnal, atn Adoram, xyi'n 'at win oro, plata yet' bronce 'a rey David, yic tz'at 'ajxc stzatzl sc'ojl yu'uj. Xyaln pax swach' paxti 'a 'a, yujto 'ix yac' ganar ya'n owl yet' Hadad-ezer cha. A Toi cha, ya'jnac pax owl yet' rey Hadad-ezer chi 'a yic yaln̈taxi.

2 Cr 32:23

Yuj cha, caw niwn eb' nacion̈ xyij cot yofrenda 'a Jerusalén, yic tzya'n eb' 'a Jehová, xya'n pax eb' siylab' chan̈ stojl 'a Ezequías sreyl Judá. A yictax cha, caw niwn yel'ch x'aj 'a sat jun tzo'n̈ xo nacion̈.

Salmos 129:8

A yic tzlaj 'ec' eb' 'anma 'a stz'ey te c'ultc cha, toc 'ay eb' tzaln 'ixtc 'a eb' te': Ya' cab' Jehová syaxilal 'a eyib'an̈; 'a sb'i Dios tzqui c'ann yaxilal 'a eyib'an̈, tom xchi eb'.

Is 39:1

A yic jun tiempoal cha, a rey Merodac-baladán, yunnal Baladán, sreyl Babilonia, 'ix yab' yalxi to xyab'ilan Ezequías, palta xb'ox sc'ojol, yuj cha, 'ix schec cot jun tzo'n̈ eb' schecb' wul yac' jun ch'an̈ carta yet' jun siylab' 'a 'a.

A Ch'an̈ B'ab'el Libro Samuel 13:10

At wal cha, 'ix c'och Samuel. Yuj cha, 'ix 'elt Saúl scha winac, yic tzya'n stzatzl sc'ojol.