A Ch'an̈ Schab'l Libro Samuel 7:7 - Chuj San Sebastian Bible

⁷ A jantc tiempo in b'eyc' yet' eb' in chon̈ab', may 'ajtil waljnac 'a eb' syajlil eb' tz'i'n b'eyoc, to tzb'o eb' junc watut nab'a c'ute tz'och 'a 'a, xchi Jehová, xa chi 'a 'a.

Chuj San Mateo Bible

⁷ B'ajtactil ix in ec'n̈ej yed' eb' in chon̈ab', malaj b'aj ix in c'an d'a junoc eb' ayoch yajalil chon̈ab' chi' vuuj, tas yuj max sb'o junoc in cajnub' eb', nab'a c'ute' tz'och d'ay, xchi Jehová, xa chi d'a vin̈ rey chi'.

A Ch'an̈ Schab'l Libro Samuel 7:7 Iomraidhean Croise

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

1 Cr 11:2

A 'a yic yaln̈taxi, wach'xam 'aych Saúl reyal, palta ach on̈ a jucb'tzej an̈ israel on̈ tic, yic qui 'atc 'a owal. An̈jtona', 'ix yaln pax Jehová qui Diosalec 'ayach, to ach 'oj on̈ a jucb'tzoc, ax a'n pax reyl 'a quib'n̈ an̈ israel on̈ec tic, xchi eb' 'a 'a.

1 Cr 17:6

'A smasnil tiempo in b'eyc' yet' eb' in chon̈ab', may 'ajtil waljnac 'a eb' syajlil eb' tz'i'n b'eyoc, to tzb'o eb' junc watut nab'a c'ute tz'och 'a 'a, xchi Jehová, xa chi 'a 'a.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 23:4

An Jehová in, an tzwala, to 'oj wa'ch yilmal eb', sec wach' man̈x 'oj xiw eb', man̈x 'a pax junc eb' 'oj satoc, xchi Dios.

Jeremías 3:15

'Oj wa'ch eyilmal 'icha wal tas tzchaj in c'ojol, sec ax eb' 'oj 'a'nc yajlil 'a eyib'n̈ yet' jelnal yet' wach' nab'enal.

Ez 34:15

An Jehová Yajl in, an tzwala: To an 'oj in tan̈wc eb' in chon̈ab', ax wa'n 'iljoc eb' 'a sat slum cha.

Ez 34:2

Ach 'anma', al 'a eb' yilmal chon̈b' Israel to an Jehová Yajl in, an tzwal 'a eb' 'ixtic: ¡'Ay, 'oltacx wal ex yilmal chon̈b' Israel! mun ax tze tan̈wj e b'a, man̈oc eb' chon̈b' tze tan̈wj 'icha stan̈wx no calnelu.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.