A Ch'an̈ Schab'l Libro Samuel 7:23 - Chuj San Sebastian Bible

²³ A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

Chuj San Mateo Bible

²³ A pax a chon̈ab' Israel tic jun, malaj junocxo chon̈ab' lajan yed'oc. Yujto axon̈ej jun chon̈ab' tic d'a sat lum tic ix a colcanel d'a yol sc'ab' eb' ajc'ool yic tz'ochcan a chon̈ab'oc. Yed' a poder yed' tastac satub'tac a b'onac, ic'naquelta eb' co mam quicham d'a Egipto, a satannaquel juntzan̈ chon̈ab' yed' sdiosal d'a yichan̈ eb' yic nivan tz'ajelc'och a b'i.

A Ch'an̈ Schab'l Libro Samuel 7:23 Iomraidhean Croise

A Ch'an̈ Schab'l Libro Samuel 7:24

yujto ach a'jnacn̈ 'och a chon̈b'oc 'a jun 'ejmn̈ej, ach xo Mamin Jehová, ach 'ochcn qui Diosalc on̈.

1 Cr 17:21

Ax pax an̈ a chon̈b' israel on̈ tic on̈, ¡toc 'ay junc xo chon̈b' lajn quet' 'a sat lum tic on̈! Ach in Diosal, ach on̈ a col on̈ yic tzon̈ 'och a chon̈b'oc. Caw 'ix b'inax sniwquil-l el'ch cuj on̈, yujto 'ix a b'o jun tzo'n̈ tas to satjub'tac yilxi. Ach 'ix ej 'el jun tzo'n̈ nacion̈ 'a yojltac eb' qui mam quichm a coljnac 'elt 'a Egipto on̈.

Nehemías 1:10

An̈ tic on̈, a checb' on̈, a chon̈b' on̈ paxi, ach on̈ a col yet' a niwquil poder.

Salmos 106:22

Caw wal satjub'tac yilx tas xa b'o 'a lum slum eb' yin̈tl Cam, caw wal yel xo 'ay smay tas xa b'o 'a yol a Chac Mar.

Salmos 111:9

'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.

Salmos 145:6

'Oj yal eb' 'anma yuj tas b'ob'il o'oj, yujto caw tztac' o'oj, 'oj wal-li to caw niwn el'chi.

Salmos 147:20

Man̈ 'ichcta 'ix yutj jun tzo'n̈ xo nacion̈, yuj cha, man̈ yojcoc eb' jun tzo'n̈ sley cha. ¡Alx cab' wach' paxti 'a Jehová!

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 9:15

Toto tzyal in c'ojol, tztac' in ch'oxn in poder 'ayach, tzwa'ch yailal 'a eb'an̈, yet' 'a yib'n̈ smasnil 'anma 'a jun nacion̈ tic, tztac' tzex in satl 'a sat lum lum tic.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Jeremías 32:20

Ach 'ix a b'o jun tzo'n̈ niwc milagro, yet' jun tzo'n̈ ch'oxnb'il caw niwc yel'ch 'a Egipto. An̈jtona ticnec, til to wal tas tza ch'ox 'a qui cal an̈ israel on̈ tic on̈, yet' pax 'a scal smasnil 'anma'. Yuj cha, caw niwn el'chi.

Jeremías 32:21

Yet' wal a niwquil poder cha, 'ix e'n 'elt a chon̈b' Israel tic 'a Egipto, yic tza ch'oxn jun tzo'n̈ niwc milagro, yet' jun tzo'n̈ senya xlaj a ch'oxo'. Yuj cha, xlaj xiwcn chan̈ eb' 'anma'.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Dt 10:21

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Josué 7:9

A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.