A Ch'an̈ Schab'l Libro Samuel 7:22 - Chuj San Sebastian Bible

²² Mamin man̈x jantcoc a jelnal, yujto may junc 'anma tztac' slajb'tzan sb'a et'oc. Caw may junc xo Dios lajn et'oc, cojxn ach ton Dios ach, a tzyal 'ixta tzcutj cab'ni.

Chuj San Mateo Bible

²² Mamin Jehová, malaj junocxo mach lajan ed'oc. A achn̈ej toni, malaj junocxo dios scab' specal icha ach tic.

A Ch'an̈ Schab'l Libro Samuel 7:22 Iomraidhean Croise

A Ch'an̈ Schab'l Libro Samuel 22:32

May junc xo Dios, cojxn Jehová. ¿Tom 'ay junc comn dios tztac' on̈ scoln 'icha qui Diosal?

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

2 Cr 2:5

A jun n̈a 'oj in b'o cha, caw niwquil 'oj 'ajoc, yujto a qui Diosal on̈, yel xo niwquil yel'ch 'a yib'n̈ smasnil jun tzo'n̈ comn dios.

Salmos 135:5

Wojc wal si'mb'il to a Jehová Cajlilec, yel xo wal 'ec'b'al 'a yib'n̈ jun tzo'n̈ comn dios.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Salmos 48:1

A Jehová caw wal niwn yel'chi. A qui Diosalec smoj wal yalx wach' paxti 'a 'a, 'a yol chon̈ab' yet' 'a lum tzaln to yicn̈ej yaji.

Salmos 86:10

Yujto cojn ach Dios ach; caw niwn el'chi, tza b'on tas caw satjub'tac yilxi.

Salmos 86:8

Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.

Salmos 89:6

May junc xo dios, mto junc tas 'ay 'a satchan̈ tztac' slajb'tzan sb'a et'oc.

Salmos 89:8

Mamin Jehová tztac' 'oj smasnil, ec yaj smasnil poder, may 'aj tza jel tas tzala; may junc xo lajn 'icha ach tic.

Salmos 96:4

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Ex 10:2

'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 8:10

—¡Q'uic'an! xchi win rey cha. Xlajw cha, 'ix yaln Moisés: —B'o cab' 'icha tzotj aln cha, sec 'oj ojcoc 'eli, to may junc xo mach lajn spoder 'icha Jehová qui Diosal on̈.

Ex 8:6

Xlajw cha, 'ix ya'n 'at Aarón sc'occh 'a yib'n̈ smasnil a a 'ay 'a yol yic Egipto. Yajn̈j wal cha, 'ix q'uel tzicn̈joc no pajtza', 'ix laj pucb't no 'a smasnil yol yic Egipto cha.

Ex 9:14

A 'a yic jun tiempoal tic, 'oj wa' cot jun tzo'n̈ yailal 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma'. A yuj jun yailal cha, ax ojcan 'eli, to may junc xo mach tztac' slajb'tzan sb'a wet' 'a yolyib'n̈q'uinal.

Is 40:18

¿Tom 'ay junc mach tztac' e lajb'tzan yet' Dios cha? ¿Tom 'ay junc yechl tztac' slajb'tzax yet'oc?

Is 40:25

A Dios Cojxn toni, a tzc'anb'n 'ixtic: ¿Mach junc 'oj in e lajb'tzoc yet'oc? ¿Toc 'ay mach lajn xon wet'oc? xchi.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Ez 36:22

Ax ticnec, al yab' eb' et israelal tic, to an Jehová in, an tzwal 'ixtic: A tas 'oj in b'o', man̈ eyujoc tzin b'oni, palta wu'uj, yujto caw tu yaln eb' 'anma chi 'ayn eyu'uj, atn eb' 'aj tzex laj pucn coti.

Ez 36:32

Ex israel, man̈ yujoc e wach'il tzin b'on jun tzon̈ cha; palta to smoj eyecn q'uixwc e b'a yuj e b'eyb'al.

Dn 2:45

Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Dt 3:24

Mamin Jehová, a ticnec xa chaj 'el yich a ch'oxni to niwn el'chi yet' a jelnal 'a 'ayn a checb' in tic. May junc xo Dios 'a satcha'an̈ mto 'a sat lum tic 'ay sjelnal sb'on junc tas satjub'tac yilx 'icha tas tza b'o tic.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Dt 4:35

'Ix sch'ox quil jun tzo'n cha, sec tzcojquejec 'eli to may junc xo Dios, palta cojn ton Jehová.

Dt 4:39

Yuj cha, can cab' 'a e nab'en to cojn Jehová Dios, sDiosal satcha'an̈ yet' 'a sat lum tic, may junc xo.

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.