A Ch'an̈ Schab'l Libro Samuel 6:12 - Chuj San Sebastian Bible

¹² Ax yic 'ix alx yab' rey David chajtlto yujn̈ej wal te scaxail strato Dios cha, yuj cha, tzya'n Jehová syaxilal 'a yib'n̈ Obed-edom yet' 'a yib'n̈ smasnil tas 'ay 'a 'a, yuj cha, x'at yi'nc pax David chi te caxa chi 'a yatut win Obed-edom cha. Yet' wal tzaljc'ojlal xyi'n cot David chi te 'a yol schon̈ab'.

Chuj San Mateo Bible

¹² Ayic ix yab'an vin̈aj rey David chi' to yuj te' scaxail strato Jehová, ix yac' svach'c'olal Jehová d'a yib'an̈ vin̈aj Obed-edom chi' yed' eb' cajan yed' vin̈ yed' masanil tastac ay d'a vin̈, yuj chi' ix b'at yic'anxicot te' vin̈aj David chi'. Yed' val tzalajc'olalil ix yic'cot te' vin̈ d'a yol schon̈ab'.

A Ch'an̈ Schab'l Libro Samuel 6:12 Iomraidhean Croise

A Ch'an̈ Schab'l Libro Samuel 5:7

A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

A Ch'an̈ B'ab'el Libro Yic Yab'ixal Eb' Rey 8:1

Xlajw cha, xya'n Salomón syam sb'a smasnil eb' yichm wincal chon̈b' Jerusalén, smasnil eb' yajl yaj 'a junjn 'in̈tal, yet' eb' yajl yaj 'a junjn macn̈ eb' israel, yic tz'at yi'nc cot eb' te scaxail strato Jehová 'a Schon̈b' David, atn pax jun tzcuch Sión.

A Ch'an̈ B'ab'el Libro Yic Yab'ixal Eb' Rey 8:3

Ax yic xjaw smasnil eb' yichmtac wincal chon̈ab', yet' eb' ya'mal 'och sti eb' 'anma 'a Dios, xyi'n cot eb' te scaxail strato Jehová,

A Ch'an̈ B'ab'el Libro Yic Yab'ixal Eb' Rey 8:4

yet' jun Mantiado 'aj tzqui chaj qui b'a yet' Dios, yet' pax smasnil yamc'ab' 'ayc' 'a yol jun Mantiado cha. A eb' ya'mal 'och sti eb' 'anma 'a Dios, yet' eb' levita, a eb' x'i'n coti.

1 Cr 15:15

A yet' b'achte 'ix yij cot eb' te 'a sjolm squelab', 'icha yutjnac Moisés yaln yuj Jehová.

1 Cr 15:25

A David yet' smasnil eb' yichm wincal chon̈b' Israel, yet' eb' syajlil eb' soldado, caw wal tzaljc'ojlal yaj eb' yic x'at yi'nc eb' te scaxail strato Jehová 'a yatut win Obed-edom.

1 Cr 16:16

'Ix yac' 'el'choc strato yet' Abraham yet' sti ya'jnac 'a Isaac.

1 Cr 26:4

'Ix yac' Dios syaxilal 'a yib'n̈ Obed-edom, yuj cha, caw niwn yunnal. Atn eb' yunnal tic 'a stzolil: Semaías, Jozabad, Joa, Sacar, Natanael, Amiel, Isacar, yet' Peultai.

2 Cr 5:2

Xlajw cha, 'a yic sc'ul q'uin̈ yic yucl 'uj 'a jun ab'il cha, xya'n Salomón syam sb'a smasnil eb' yichm wincal chon̈b' Israel 'a Jerusalén, atn smasnil eb' yajl yaj 'a scal junjn 'in̈tal, yet' smasnil eb' niwn yel'ch 'a scal junjn macn̈ eb' israel cha. 'Ix syam sb'a eb' yic tz'ijx cot te scaxail strato Jehová 'a Sión, atn Schon̈b' David.

Mt 10:42

Tzann̈j mach tzsiyn junc vaso sicl a 'a junc eb' in cuywum, wach'xam junc may wal yel'chi, palta yujn̈ej to in cuywum, wal yel 'oj scha spac.