A Ch'an̈ Schab'l Libro Samuel 6:10 - Chuj San Sebastian Bible

¹⁰ Yujto man̈x 'ic snib'j David xyij cot te scaxail strato Jehová chi 'a yol chon̈ab', yuj cha, xya'n David 'ijxoc can 'at te 'a yatut Obed-edom, win 'aj Gat.

Chuj San Mateo Bible

¹⁰ Majxo yal-laj sc'ol vin̈aj David chi' ix yic'cot te' caxa chi' d'a schon̈ab'. Yuj chi' ix yal vin̈ to tz'ic'jib'at te' d'a spat vin̈aj Obed-edom aj Gat.

A Ch'an̈ Schab'l Libro Samuel 6:10 Iomraidhean Croise

A Ch'an̈ Schab'l Libro Samuel 15:19

'Ix yaln win rey chi 'ixtc 'a win Itai 'aj chon̈b' Gat: —¿Tas yuj ach cot quet' on̈? Meltzjan̈, wach' a yet' win 'ac' rey chi tzach cani, yujto ach tic chuc chon̈b'al ach, 'el-lal pax aj cot 'a a chon̈ab'.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

A Ch'an̈ Schab'l Libro Samuel 4:3

A eb' 'anma b'ab'l cajjnac Beerot, 'atnc eb' 'eloc, ata c'ochnc eb' scol sb'a 'a Guitaim, ula 'anma yajc' eb' ta'.)

A Ch'an̈ Schab'l Libro Samuel 5:7

A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

A Ch'an̈ Schab'l Libro Samuel 5:9

Xlajw cha, sb'on chan̈ David jun smuroal sdespacho masnto tzc'och 'a 'aj 'ay cuartel cha, xya'n scuch Schon̈b' David. Sb'on chan̈ jun tzo'n̈ n̈a 'a spatquil, x'eln̈j yich 'a 'aj lan̈b'il jun tzo'n̈ ch'oltac masnto xc'och 'a sdespacho eb' rey.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

1 Cr 16:5

A Asaf a yajl yaj 'a eb' tzb'itn cha, ax win schab'il atn Zacarías. Tza'n sjaw Jeiel, Semiramot, Jehiel, Matatías, Eliab, Benanías, Obed-edom yet' Jeiel. Atn eb' chi 'ay syamc'ab', atn salterio yet' arpa, palta ax Asaf, a tzyucn q'uen platillo.