A Ch'an̈ Schab'l Libro Samuel 5:21 - Chuj San Sebastian Bible

²¹ A yic x'at eb' filisteo 'eloc, 'ix yactn can eb' jun tzo'n̈ yechl sdiosal, ax David yet' eb' soldado ajun yet'oc, ax eb' x'ec' 'i'noc jun tzo'n̈ cha.

Chuj San Mateo Bible

²¹ Ayic ix el lemnaj eb' filisteo chi', ix laj yactejcan sdiosal eb', axo vin̈aj David chi' yed' eb' soldado ix ic'ancoti.

A Ch'an̈ Schab'l Libro Samuel 5:21 Iomraidhean Croise

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

Jeremías 43:12

'Oj n̈usxoc yatutal sdiosal eb' 'aj Egipto tic, ax sn̈usx can pax sdiosal eb' cha, mto 'oj 'ijxoc 'at 'icha presoal. 'Icha tzyutj junc 'ilm calnelu yi'n 'el no sip 'a spichul, 'ixta 'oj yutc Nabucodonosor yi'n 'at sricoal Egipto tic, caw tzaljc'ojlal 'oj 'aj smeltzji.

Jeremías 48:7

A Moab, a wal smunljel yet' sricoal 'aych yipc sc'ojol, palta an̈jtona 'oj 'ijxoc 'ati. A jun sdiosal tzcuch Quemos, 'oj 'ijxoc 'at 'icha presoal, yet' eb' 'aych ya'malc 'och sti eb' 'a 'a, yet' pax eb' 'anma caw niwc cob' yel'chi.

Dn 11:8

An̈jtona', 'oj yi't pax 'a Egipto jun tzo'n̈ q'uen q'uen tenb'il b'o sdiosalc eb', yet' q'uen oro yet' q'uen plata tzc'anlb'ax 'a jun tzo'n̈ sdiosal eb' cha. 'Oj 'ec' jaye'oc ab'il yuj eb', yic may owl 'a scal chab' nacion̈ cha.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Dt 7:5

Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.