A Ch'an̈ Schab'l Libro Samuel 5:12 - Chuj San Sebastian Bible

¹² 'Ixta wal x'aj snachj 'el yuj David chajtlto caw a Jehová a x'a'n 'och reyl 'a chon̈b' Israel, caw wal xniwtj yopiso, yujto a Jehová caw wal 'ay schamc'ojlal 'a schon̈b' cha.

Chuj San Mateo Bible

¹² Icha chi' ix aj snachajel yuj vin̈aj David chi' to a Jehová ix ac'ancanoch vin̈ reyal, yic te nivan tz'aj sb'inaj schon̈ab' Jehová chi', yujto te xajan yuuj.

A Ch'an̈ Schab'l Libro Samuel 5:12 Iomraidhean Croise

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

A Ch'an̈ Schab'l Libro Samuel 5:13

A yic yel David 'a chon̈b' Hebrón, yic xc'och 'a Jerusalén, 'ayt jun tzo'n̈ xo eb' 'ix 'ix x'och yistzilc ta', yuj cha, til to wal yunnal, yet' eb' yisl x'alj to yet' eb' 'ix 'ix cha.

A Ch'an̈ Schab'l Libro Samuel 7:16

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi, xa chi 'a 'a, xchi Dios 'a win Natán.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

1 Cr 14:2

Yuj cha, 'ix nachj 'el yuj David chajtlto a Jehová 'ix 'a'n 'och reyl 'a yib'n̈ chon̈b' Israel. Caw 'ix 'ijx chan̈ yopiso yujto 'ay schamc'ojlal Jehová 'a schon̈ab'.

2 Cr 2:11

Xlajw cha, 'ix ya'n cot win Hiram sreyl Tiro jun ch'an̈ carta 'a Salomón, tzyaln 'a 'ixtic: Ach rey Salomón, a Jehová ach 'a'n 'och reyl 'a yib'n̈ chon̈b' Israel, yujto caw 'ay schamc'ojlal 'a schon̈ab'.

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Dn 2:30

A 'ix ch'oxn pax jun a waych tic 'ayin, man̈ yujoc to yel xo jeln in 'a yib'n̈ smasnil 'anma', ma'ay. Palta yuj wa'n ojcoc 'eli tas tzyal 'el'ch a waych cha, sec tznachj 'el o'oj tas nab'il oj 'a a nab'en.

Nm 24:7

A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.