A Ch'an̈ Schab'l Libro Samuel 5:10 - Chuj San Sebastian Bible

¹⁰ A Jehová Dios tzta'n̈j yuj smasnil, a 'aych yet' David, yuj cha, yel xo wal tzq'ue'ch yet' sjelnal.

Chuj San Mateo Bible

¹⁰ A Jehová Dios Yajal d'a Smasanil, a ayoch yed' vin̈aj David chi', yuj chi' te nivan ix aj sb'inaj vin̈.

A Ch'an̈ Schab'l Libro Samuel 5:10 Iomraidhean Croise

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

A Ch'an̈ Schab'l Libro Samuel 3:1

A eb' soldado 'aych yet' win yunnal Saúl, caw najtl tiempo 'ix yac' eb' owl yet' eb' 'aych yet' David, palta 'ipn swach' 'el yip eb', ax eb' 'aych yet' David cha, caw 'ipn swach' 'i'n eb' yip.

A Ch'an̈ Schab'l Libro Samuel 7:9

Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

A Ch'an̈ Schab'l Libro Samuel 8:14

Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Salmos 24:10

¿Mach jun Rey caw niwn yel'ch cha? Atn Jehová tzta'n̈j yuj smasnil, atn jun Rey tic caw niwn yel'chi.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Lc 2:52

Ax Jesús cha, an̈ja sq'uib'i, tzq'uib' pax snab'en. Caw tzalj Dios yet'oc, tzalj pax eb' 'anma yet' jun xo.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

A Ch'an̈ B'ab'el Libro Samuel 18:12

Yuj cha, caw tzxiw Saúl 'a David yujto caw tzcolwj Jehová yet'oc, palta man̈xtzac colwj yet' Saúl cha.

A Ch'an̈ B'ab'el Libro Samuel 18:14

Yujto caw 'aychn̈ej Jehová yet' David, tzya'n̈j ganar 'a smasnil tas tzb'o'o.

A Ch'an̈ B'ab'el Libro Samuel 18:5

Caw wach'n̈j x'aj 'el'ch smasnil tas 'ix 'ajx sb'o David yuj Saúl, yuj cha, xya'n 'och win syajlilc jun macn̈ eb' soldado caw 'a'm owal. Caw wal stzalj eb' 'anma yet' David cha, an̈jtona pax eb' yit yajlil win Saúl cha, caw stzalj eb' yet'oc.