A Ch'an̈ Schab'l Libro Samuel 5:1 - Chuj San Sebastian Bible

¹ Xlajw cha, smasnil eb' yin̈tl Israel 'ix wulc' eb' paxtinc yet' David 'a Hebrón, xyaln eb' 'a 'ixtic: An̈ tic caw wal 'ayt cuj qui b'a et'oc.

Chuj San Mateo Bible

¹ Ix lajvi chi', ix javi masanil eb' yin̈tilal Israel d'a vin̈aj David d'a Hebrón. Ix yalan eb' d'a vin̈ icha tic: A on̈ tic te ayto cuj co b'a ed'oc.

A Ch'an̈ Schab'l Libro Samuel 5:1 Iomraidhean Croise

Gn 29:14

Xyaln Labán 'a 'ixtic: Wal yel caw wal junn̈j to quin̈tl et'oc, xchi 'a winac. Yuj cha, xcancn Jacob yet' Labán jun 'ujal.

A Ch'an̈ Schab'l Libro Samuel 19:12

C'anb'jec 'a eb' tas yuj teb'il tzyal eb', yic tzin meltzj pax 'a in despacho jun 'ejm xo, palta to cob' wican eb', junn̈j pax cob' quin̈tl on̈, xe chi 'a eb', xchi rey David.

A Ch'an̈ Schab'l Libro Samuel 19:13

'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ Schab'l Libro Samuel 19:14

Yuj cha, 'ix tzalj chan̈ spixn eb' 'aj Judá, to junxn̈ej tzyutj eb' snab'en 'icha junc 'anma'. 'Ix yaln 'at eb' 'a win rey, to tzmeltzj win yet' smasnil eb' ajun yet'oc.

A Ch'an̈ Schab'l Libro Samuel 19:43

Yuj cha, 'ix ta'w eb' yit israelal eb' chi 'ixtic: —Wach'xam to 'ixta', palta an̈ tic on̈, lajn̈e 'in̈tal 'ec'b'aln̈ 'a eyib'n̈ on̈. Yuj cha, caw wal 'ay caln quic 'a win rey tic 'a eyib'n̈ on̈. ¿Tas yuj tzon̈ e patquilj can 'eli? ¿Tom man̈oc on̈ 'ix qui b'ab'l alej to tzmeltzj qui reyal? xchi eb'. Palta ax eb' 'aj Judá, caw wal ya tas 'ix yal eb' 'a yib'n̈ jun tzo'n̈ xo eb' yit israelal cha.

A Ch'an̈ Schab'l Libro Samuel 2:32

Xlajw cha, 'ix yi'n 'at eb' sniwnal Asael, axta smuc eb' 'a 'aj mucb'il smam 'a Belén. Ax Joab yet' eb' soldado 'ix b'eyn̈j eb' 'a smasnil jun 'ac'wl cha, ax yic xq'uin̈lb'i 'eli 'ayx 'ec' eb' 'a Hebrón.

Ef 5:30

yujto 'icha to caw sniwnal cajec.

Dt 17:15

A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

Josué 10:36

'Ix 'atx Josué yet' smasnil eb' soldado 'a Eglón, axta xc'ochx eb' 'a chon̈b' Hebrón, 'ix ya'n pax eb' owl ta'.

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.