A Ch'an̈ Schab'l Libro Samuel 3:8 - Chuj San Sebastian Bible

⁸ Caw wal xcot yowl Abner chi si'mb'il, yuj jun paxti xyal Is-boset chi 'a 'a, yuj cha, xyaln 'a 'ixtic: —¿Tom may jac wel'ch 'aych 'icha junc tz'i'? ¿tom tzin colwj 'a eb' 'aj Judá tza na'a, yuj cha tzaln 'ixta 'ayin? An tic, caw wach'n̈j xwutj 'a eb' yican Saúl, atn a mam, yet' 'a eb' ecan, yet' pax 'a eb' a wach'c'ojol, matz ach wa'ch pax 'a yol sc'ab' David. Ach xo tza'ch 'a wib'n̈ ticnec, chajtlto 'ix 'och in mul yet' jun 'ix 'ix cha.

Chuj San Mateo Bible

⁸ Yujto ix yal jun chi' vin̈aj Is-boset chi' d'a vin̈aj Abner chi', yuj chi' ix te cot yoval vin̈, ix yalan vin̈ icha tic: —¿Tom tz'i' in tzila', tocval van vac'anoch in b'a yed' eb' ajc'ol yic Judá tic? A in tic, te vach'n̈ej ix vutej in b'a d'a eb' ayto yuj sb'a yed' vin̈ a mam yed' d'a eb' vach' yac'an yed' vin̈, maj ach vac'paxoch d'a yol sc'ab' vin̈aj David, axo ticnaic tzac'an yovalil d'ayin yuj jun ix ix chi'.

A Ch'an̈ Schab'l Libro Samuel 3:8 Iomraidhean Croise

A Ch'an̈ Schab'l Libro Samuel 16:9

Yuj cha, 'ix yaln win Abisai yune 'ix Sarvia 'ixtc 'a win rey cha: —Mamin rey, ¿tas yuj a jun 'icha chamnc tz'i tic tzach b'ajni? 'Ac' in permiso yic tz'at in tzu'nc 'el sjolom, xchi winac.

A Ch'an̈ Schab'l Libro Samuel 2:8

Ax win Abner yunnal win Ner, syajlil eb' soldado yic Saúl, a win 'ix 'i'n 'at win Is-boset yunnal Saúl chi 'a Mahanaim,

A Ch'an̈ Schab'l Libro Samuel 3:18

A ticnec jun, 'el'ch cab'i', yujto 'ix c'och stiempoal yochi, yujto ya'jnac Jehová sti' 'a David chajtlto yu'uj, ax qui colchj 'el an̈ schon̈b' on̈ tic 'a yol sc'ab' eb' filisteo, yet' pax 'a yol sc'ab' jun tzo'n̈ xo eb' 'ajc'ojl yajch 'ayn̈ec, xchi.

A Ch'an̈ Schab'l Libro Samuel 3:9

Ya' cab' cot Jehová yailal 'a wib'n̈ si'mb'il, toto matz wa'ch in b'a yet' David yic tz'el'ch 'icha yutjnac Jehová ya'n can sti 'a 'a.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

A Ch'an̈ Schab'l Libro Samuel 9:8

'Ix 'emx n̈ojn win Mefi-boset cha, 'ix yaln win 'ixtic: —¿Tas wal yuj tz'o'ch a c'ojl 'ayn mamin rey? An a checb' in tic, lajn xoj wal wilx 'icha junc no chamnc tz'i', xchi.

A Ch'an̈ Schab'il Libro Yic Yab'ixal Eb' Rey 8:13

—Palta an a checb' in tic, caw may jac wel'chi, lajn in 'icha junc no tz'i'. ¿Tas wal 'oj wutc in b'on junc tas 'icha tzal cha? xchi Hazael cha. —Tox 'ix yal Jehová 'ayin, to ach 'oj ochx can sreyloc Siria, xchi Eliseo 'a 'a.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Dt 23:18

A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

A Ch'an̈ B'ab'el Libro Samuel 17:43

'Ix yaln win 'ixtc 'a David: —¿Tom tz'in tzela, yuj cha, tzach cot yet' a te 'ayin? xchi win 'a 'a. Xlajw cha, scatb'tzan win Goliat David chi 'a sb'i jun tzo'n̈ scomn dios.