A Ch'an̈ Schab'l Libro Samuel 24:7 - Chuj San Sebastian Bible

⁷ Xlajw cha, 'ix 'at eb' 'a stojlal Tiro, 'ix 'ec' eb' 'a smasnil schon̈b' eb' heveo, yet' 'a schon̈b' eb' cananeo. Xlajw cha, 'ix jaw eb' 'a Beerseba, 'a Neguev 'ay 'a yol yic Judá.

Chuj San Mateo Bible

⁷ Ix b'atpax eb' d'a nivan chon̈ab' Tiro d'a smacb'en eb' heveo yed' pax schon̈ab' eb' cananeo. Ix lajvi chi' ix b'at eb' d'a chon̈ab' Beerseba d'a Neguev d'a yol yic Judá.

A Ch'an̈ Schab'l Libro Samuel 24:7 Iomraidhean Croise

A Ch'an̈ Schab'l Libro Samuel 24:2

Yuj cha, 'ix yaln win rey 'ixtc 'a win Joab, yet' 'a jun tzo'n̈ xo eb' syajlil eb' soldado: —'Ec' 'ijec chan̈ sb'isl smasnil eb' winc tztac' yoch soldadoil 'a eb' yin̈tl Israel, sec 'ixta 'oj wutc wojcan 'eli, jantc eb'. Tze chaj cot 'a Dan 'a stojlal norte masnto tzc'och 'a Beerseba 'a stojlal sur, xchi 'a ewinac.

A Ch'an̈ Schab'l Libro Samuel 24:8

B'aln̈e 'uj, yet' junc'l c'u 'ix b'eyc' eb' yic 'ix 'ec' eb' 'a yol chon̈b' chi smasnil, xlajw cha, 'ix meltzj eb' 'a Jerusalén.

Zacarías 9:3

A eb' 'aj Tiro cha, 'ix sb'o chan̈ eb' smuroal schon̈ab'. Xlajw cha, smolb'tzan eb' q'uen oro yet' q'uen plata, 'icha tz'aj chan̈ ch'ucn lum lum smontoaxi.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 19:28

Locn pax chon̈b' Abdón, Rehob, Hamón yet' Caná, masnto 'a chon̈b' Sidón.

Josué 19:29

Axta tzmeltzj smon̈jonal 'a Ramá, masnto tzc'och 'a jun chon̈b' caw wach' yajch smuroal atn Tiro, axta tzc'och 'a Hosa, tz'el'ch 'a a Mar Mediterráneo, locn pax chon̈b' Mahaleb, Aczib, Uma, Afec yet' Rehob.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Jueces 3:3

Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat.