A Ch'an̈ Schab'l Libro Samuel 24:6 - Chuj San Sebastian Bible

⁶ Xlajw cha, 'ix 'ec' eb' 'a Galaad, yet' 'a lum Cades, atn lum yic eb' hitita. 'Ix 'ec' pax eb' 'a Dan, 'ixta to b'i'an, 'ix meltzj eb' 'a stitc yic Sidón.

Chuj San Mateo Bible

⁶ Ix b'at eb' d'a Galaad yed' d'a Cades d'a yol smacb'en eb' hitita. Ix b'atpax eb' d'a Dan, ichato chi' ix meltzaj eb' d'a stitac yic Sidón.

A Ch'an̈ Schab'l Libro Samuel 24:6 Iomraidhean Croise

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 31:21

'Ixta x'aj scot 'elc yet' smasnil tas 'ay 'a 'a, caw ji'lti x'aj ye't 'a a niwquil a tzcuch Éufrates, xb'ey cot 'a yojltac, masnto xjaw 'a stzalnil Galaad.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 32:39

A eb' yin̈tl Maquir win yunnal Manasés, a eb' x'ica'an lum Galaad. A eb' xpechn 'el eb' amorreo cajn 'a jun lugar cha.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Josué 19:28

Locn pax chon̈b' Abdón, Rehob, Hamón yet' Caná, masnto 'a chon̈b' Sidón.

Josué 19:47

Palta a jun lum cha, ma'ix techj scoln eb', yuj cha, 'ix 'at eb' yin̈tl Dan chi yac' owl yet' eb' cajn 'a chon̈b' Lésem. Ax yic xlajw smilx cham eb' cajn 'a jun chon̈b' chi yuj eb' yic Dan cha, 'ix can cajn eb' 'a jun chon̈b' cha. Xlajw cha, sjeln eb' sb'i jun chon̈b' cha, xya'n eb' scuch Dan, yuj yi'nb'ilc chan̈ sb'i smam yichm eb'.

Jueces 1:31

An̈jtona pax eb' yin̈tl Aser, ma'ix stac' spechx 'el eb' cananeo cajn 'a Aco yuj eb', eb' cajn 'a Sidón, 'a Ahlab, 'a Aczib, 'a Helba, 'a Afec yet' 'a Rehob. 'Ix can cajn eb' yin̈tl Aser 'a scal eb'.