A Ch'an̈ Schab'l Libro Samuel 24:4 - Chuj San Sebastian Bible

⁴ Palta tox 'ix ste'wtzej sb'a win rey yaln 'a Joab, yet' 'a eb' syajlil eb' soldado, to yowlal tzyiclj eb' jun cha, yuj cha, 'ix 'elt eb' 'a yojltac win rey cha, 'ix 'at eb' 'a 'aj 'ix alx cha.

Chuj San Mateo Bible

⁴ Palta ix yac'xon̈ejoch vin̈ rey chi' d'a yib'an̈ vin̈aj Joab yed' eb' yajalil eb' soldado to yovalil tz'ic'jiq'ue vaan sb'isul eb' anima chi'. Yuj chi' ix elta eb' d'a yichan̈ vin̈ rey chi', ix sc'anab'ajan eb' sb'at b'aj ix alchaj chi'.

A Ch'an̈ Schab'l Libro Samuel 24:4 Iomraidhean Croise

A Ch'an̈ Schab'l Libro Samuel 24:3

Palta 'ix ta'w Joab 'a win rey, 'ix yaln 'ixtic: —A cab' Jehová qui Diosalec, a tz'i'n chan̈ sb'isl eb' soldado jun ciente 'ejm 'ec'b'al 'a yib'n 'icha ticnec, 'ixta b'i'an ax to elni, palta ¿tas yuj tza nib'j tz'ijx chan̈ sb'isl eb' soldado tic? xchi Joab cha.

A Ch'an̈ Schab'l Libro Samuel 24:5

'Ix 'ec' eb' 'a a Jordán, 'ix schan 'el eb' yich sb'isn 'a Aroer, jun chon̈b' 'ay 'a snan̈l jun lum pan̈n 'a'lic, 'ix 'ec' eb' 'a yol yic Gad masnto 'ix c'och eb' 'a Jazer.

1 Cr 21:4

Palta ma'ix schaj win rey chi yab' tas xyal Joab, yuj cha, 'ix 'at Joab, x'at yi'noc chan̈ sb'isl smasnil eb' soldado israel. Xlajw cha, 'ix meltzj pax 'a Jerusalén.

Ex 1:17

Palta ax eb' 'ix wetz'wjum cha, caw wal 'ay xiwc'ojlal eb' 'ix 'a Dios, yuj cha, ma'ix syiclj eb' 'ix 'icha xyutj win sreyl Egipto chi yalni, ton̈j tzyil eb' yic tz'alj eb' winc 'unn cha.

Ex 30:12

A yic tze'n chan̈ sb'isl eb' et israelal tic, junjn eb', 'oj yac' eb' jun tzo'n̈ tojlb'al 'ayn an Jehová in yuj sq'uinal, sec ax yic 'oj lajwc sq'ue wan sb'isl eb' cha, may junc yab'il 'oj jawc 'a scal eb' yic tzcham eb' yu'uj.

Ec 8:4

Cojxn win rey chi tztac' yaln slajb' junc paxti', may mach 'oj stac' sc'anb'n yab'i', tas tzb'o winac.

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.