A Ch'an̈ Schab'l Libro Samuel 23:5 - Chuj San Sebastian Bible

⁵ 'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

Chuj San Mateo Bible

⁵ Icha chi' ol aj vin̈tilal, masanil tas ix yal Dios d'ayin ol eln̈ejc'ochoc, malaj b'aq'uin̈ ol sq'uex tas ix yalcan chi' d'ayin. A Dios chi' ol colvajn̈ej ved'oc yic tz'elc'och tastac tzin nib'ej.

A Ch'an̈ Schab'l Libro Samuel 23:5 Iomraidhean Croise

Gn 9:16

A yic tzwiln jun chacpan 'a scal 'asn cha, tzin nan cot jun in trato 'ix wac' eyet' 'a yolyib'n̈q'uinl tic, yet' 'a smasnil no noc' 'a smasnil tiempo.

A Ch'an̈ Schab'l Libro Samuel 12:10

Yuj cha, may wal b'a'n̈ 'oj 'och wan stzu'x cham eb' en̈til, yujto in a patquilj can 'eli, yic 'ix e'n 'och 'ix yistzil win Urías estziloc.

A Ch'an̈ Schab'l Libro Samuel 13:14

Palta ma'ix schaj win yab' tas xyal 'ix. 'Ix ya'n pural win sla'n 'ec' c'otn 'ix, yujto 'ec'b'al yip win 'a 'ix, yuj cha, 'ix ya'n ganar win yixtn 'ix.

A Ch'an̈ Schab'l Libro Samuel 13:28

A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 7:12

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

A Ch'an̈ Schab'l Libro Samuel 7:18

Yuj cha, 'ix 'och rey David, 'ix 'em wocn paxtinc 'a yojltac Jehová xyaln 'ixtic: Mamin Jehová Wajlil, ¿tas wal wilx tzela? An̈jtona', ¿tas pax yilx eb' in mam wicham, yuj cha, in a'n 'och 'a jun niwquil 'opiso tic?

A Ch'an̈ B'ab'el Libro Yic Yab'ixal Eb' Rey 1:5

Ax Adonías yunnal David yet' 'ix Haguit, 'ix snib'j x'och reyl 'a mun yol yico'. 'Ix yi'n 'at jun tzo'n̈ caruaje yic owal, yet' eb' soldado 'ay q'ue 'a yib'n̈ chej, yet' nan̈l ciente soldado 'aych yet'oc.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

A Ch'an̈ B'ab'el Libro Yic Yab'ixal Eb' Rey 12:14

A jun tzo'n̈ nab'en 'ix yal eb' quelmtac winac, a 'ix yal 'a eb' 'anma cha, 'ix yaln 'ixtc 'a eb': Toto a in mam 'al yutjnac eyicatz, an xo pax tic, yel xo caw 'al 'oj wutc eyicatz. Toto tz'um no sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a no 'oj in c'anlb'oc ax ex in ma'ni, xchi winac.

Salmos 111:9

'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.

Salmos 119:81

Til wal in nib'n tas wal tzin otj in a colni; yuj cha, xwa'n 'och a paxti yipc in c'ojol.

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Salmos 89:3

'Ay jun a trato b'ob'il oj yet' David, atn jun a checb' sic'b'il 'el o'oj, ata aljnac can 'ixtic:

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Jeremías 33:21

An̈jtona', matz tac' satl jun in trato in b'ojnac yet' in checb' David, to yowlal 'ayn̈j 'ec' eb' yin̈tl yac' yajlil 'a sdespacho. Ma'oj satl pax in trato in b'ojnac yet' eb' yin̈tl Leví yic tzin ya'n servil eb', yuj ya'n 'och eb' sti eb' 'anma 'ayin.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

A Tas Sc'ulejnac Eb' Schecab' Jesús Hechos 13:34

Yaljnac can pax Dios, chajtlto 'oj yi'x q'ue wan Jesús 'a scal eb' chamnac, sec may b'a'n̈ 'oj c'a sniwnal. Yaljnac can 'ixtc 'a Chan̈ U'un̈: 'Oj wac' 'el'choc in wach'c'ojlal 'aj wa'jnac in ti wa'n 'a rey David, xchi.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

A Ch'an̈ Carta D'a Eb' Hebreo 6:19

Caw te'n tz'aj qui nab'enec ticnec, yujto tzca'c 'och jun chi yipc qui c'ojol. Caw lajn tz'aj 'icha junc barco caw 'ay yip yaj syamx 'och wan yuj jun syamlab'il 'ay 'ejmi. A jun 'aych yipc qui c'ojl cha, 'ayx 'och 'a spatquil 'och jun nip 'ayc' 'a snan̈l yatut Dios 'a satcha'an̈.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.