A Ch'an̈ Schab'l Libro Samuel 23:3 - Chuj San Sebastian Bible

³ A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

Chuj San Mateo Bible

³ A Jehová co Diosal a on̈ israel on̈ tic, co Columal paxi, a ix alan d'ayin: A mach tz'ac'an yajalil d'a scal anima d'a stojolal, icha val snib'ej in c'ool,

A Ch'an̈ Schab'l Libro Samuel 23:3 Iomraidhean Croise

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

A Ch'an̈ Schab'l Libro Samuel 22:32

May junc xo Dios, cojxn Jehová. ¿Tom 'ay junc comn dios tztac' on̈ scoln 'icha qui Diosal?

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

Nehemías 5:14

A yic sjunc'lil ab'il yoch Artajerjes reyal, in ya'n 'och gobernadoral 'a yol yic Judá, masnto 'ix tz'acw 32 ab'il yoch win reyal. A yic xwa'n gobernadoral 'a lajchwe ab'il, mun in cuenta in b'a yet' in gasto, may q'uen tumn to yic xon eb' gobernador chi 'ix in c'an 'elta, may pax tas 'ix in c'an yuj eb' wican.

Job 34:17

Q'uinloc a Dios man̈ tojloc tas tzb'o'o, to 'ixta', ¿tom tztac' ya'n yajlil? ¿Tom tza nib'j tza'ch 'a yib'n̈ Dios jun caw wal wach' snab'en?

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Salmos 42:9

Tzwaln wal 'ixtc 'ayach: Ach in Diosal, in Colmal ach, ¿tas yuj in 'atcn 'a satc'ojlal o'oj? ¿Tas wal yuj cusc'ojlaln̈ej wec' yuj eb' 'ajc'ojl yajch 'ayin? xin chi 'ayach.

Salmos 72:1

Ach in Diosal, 'ac' a tojlal yet' a wach' nab'enal 'a win rey tic yet' yopiso, atn win wunnal an reyn sic'b'iln 'el oj tic,

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Pr 31:9

'Ac' ep a b'onyaj eb' 'a stojlal; col eb' meb'a', yet' eb' 'emmquilal yeq'ui, xchi 'ix 'a winac.

Is 32:1

'Ay wal jun rey 'oj 'a'nc yajlil 'a stojlal, 'ay pax eb' yajl to caw wach' 'oj yutc ya'n yajlil.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

A Ch'an̈ Carta D'a Eb' Hebreo 1:8

Palta 'ixtc tzyal junx yab'xil Yunnal Dios tic: Ach Dios, Reych 'a smasnil tiempo. Yajl ach, tojln̈ej tzotj a b'eyc'ojlwi.