A Ch'an̈ Schab'l Libro Samuel 21:9 - Chuj San Sebastian Bible

⁹ 'Ix 'ajx 'och eb' 'a yol sc'ab' eb' 'aj Gabaón, ax eb' xmiln eb', 'ix st'un̈n q'ue eb' sniwnal eb' 'a lum jolm witz 'a yojltac Jehová. 'Ixta 'ix 'aj scham eb' yucwn̈il, 'a b'ab'l c'u yel yich spolx 'ixm cebada.

Chuj San Mateo Bible

⁹ Ix ac'jioch eb' vin̈ ucvan̈ chi' d'a yol sc'ab' eb' aj Gabaón chi'. Ix ac'jiq'ue locan eb' vin̈ d'a yichan̈ Jehová d'a jolom vitz. Icha chi' ix aj scham eb' vin̈ ucvan̈ chi' d'a stiempoal yel yich sjochchaj ixim cebada.

A Ch'an̈ Schab'l Libro Samuel 21:9 Iomraidhean Croise

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

A Ch'an̈ Schab'l Libro Samuel 6:17

Ax yic xjaw te scaxail strato Jehová chi yuj eb', 'ix sb'on 'och eb' 'a yet'l 'a yol jun Mantiado b'ob'il yuj David cha. Xlajw cha, xya'n David tz'a no xajmb'al, yet' no xajmb'al yic junc'ojlal 'a yojltac Jehová.

A Ch'an̈ Schab'l Libro Samuel 6:21

'Ix ta'w David 'ixtic: —Yeltoni, in b'atj cha'an̈ palta atn 'a yojltac Jehová, yujto a in si'n 'och syajlilc chon̈b' sjelc a mam, yet' pax sjelc smasnil eb' ecan. Yuj cha, 'oj in b'atjn̈ej chan̈ yuj tzaljc'ojlal 'a yojltac Jehová.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Ex 9:31

A yic xlajw spaxtin Moisés yet' win rey cha, 'ix 'elt 'a sti 'elt chon̈b' cha, smojnq'ue sc'ab' 'a satcha'an̈, 'ix leslwi 'a Jehová. Yajn̈j wal cha, 'ix 'och wan q'uen sacb'at, 'ix 'och wan yem n̈ab', xyactn sma'n sb'a c'u. A smasnil te lino 'ayx snich yet' 'ixm cebada 'ayx sat, c'uxn 'ix lajw jun tzo'n̈ cha; ax 'ixm trigo yet' te centeno, may wal tas 'ix 'i'ni, yujto tza'n to tz'el-l jun tzo'n̈ cha.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Dt 21:22

Toto 'ay junc winc tz'ajx 'och 'a yol sc'ab' chamel, tzt'un̈xq'ue 'a spenc te', yujto tz'och junc sniwquil mul,

Rt 1:22

'Ixtnta x'aj spaxt 'ix Noemí yet' 'ix yalib', atn 'ix Rut 'aj Moab. Spet eb' 'a yol yic Moab, 'ix jaw eb' 'a Belén. A yic wan yel yich spolx 'ixm cebada xjaw eb' ta'.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.