A Ch'an̈ Schab'l Libro Samuel 21:10 - Chuj San Sebastian Bible

¹⁰ Ax 'ix Rizpa cha, 'ix yisl win Aja, 'ix ya'ch 'ix te pichl yic cusc'ojlal yic tzch'oxn 'eli to 'aych 'a scusc'ojlal. 'Ix sb'o 'ix spat 'a yib'n̈ jun q'uen q'uen 'aj 'ayc' sniwnal eb' chamnc cha. Ata xcan 'ix yic 'ix 'el yich spolx 'ixm cebada cha, masnto 'ix 'och n̈ab'lq'uinal. Matz chaj 'ix jawc no 'usej yet' no calte'al noc' 'a yib'n̈ sniwnal eb' chamnc cha, 'a c'ual, yet' pax 'a 'ac'wal.

Chuj San Mateo Bible

¹⁰ Axo ix Rizpa chi' ix lich'anem jun icha noc' lopil d'a sjolom jun q'uen q'ueen, ix can ix stan̈vej snivanil eb' vin̈ chamnac chi'. Ix cann̈ej ix ta' yic ix el yich sjochchaj ixim cebada, masanto ix javi n̈ab'il q'uinal. Max scha emlaj noc' ostoc ix d'a snivanil eb' vin̈ chi' d'a c'ualil, max schapaxc'ochlaj noc' chium noc' ix d'ac'valil.

A Ch'an̈ Schab'l Libro Samuel 21:10 Iomraidhean Croise

Gn 40:19

Chab'ej 'oj el 'a preso tic yuj win rey cha, 'oj yac' win 'ijxoc 'el a jolom, ax ya'n winc locxoc q'ue a niwnal 'a junc te te', ax e no 'usej, a e no 'oj wul chinoc a chib'jal, xchi 'a winac.

A Ch'an̈ Schab'l Libro Samuel 21:11

'Ix alx 'a rey David, tas chi tzb'o 'ix Rizpa cha, atn 'ix schab'l 'istzil can Saúl.

A Ch'an̈ Schab'l Libro Samuel 3:7

A win Saúl cha, 'ay jun 'ix schab'l 'istzil winac, Rizpa sb'i 'ix, yisl jun win tzcuch Aja. Ax x'aji, 'ix yaln win Is-boset 'ixtc 'a win Abner: —¿Tas yuj ach way yet' jun 'ix schab'l 'istzil can in mam? xchi.

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Jl 1:18

Caw tz'el yaw e no cajb'en noc' yec' yuj wejel. Tzlaj 'ec' e no wacx say cob' te c'ultac. 'Ipn laj scham e no calnelu yuj wejel.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Dt 21:13

tzjelx 'el spichl 'ix 'aych yu'uj, yic xyamchj can 'ix cha. Tzlajw cha, tzcancn 'ix 'a yatut win winc cha, jun 'uj tztac' yoc' 'ix yuj smam snun, 'ixta to b'i'an, tztac' sway win yet' 'ix, tzyi'n can sb'a eb'.

Dt 21:22

Toto 'ay junc winc tz'ajx 'och 'a yol sc'ab' chamel, tzt'un̈xq'ue 'a spenc te', yujto tz'och junc sniwquil mul,

Dt 21:23

a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.

A Ch'an̈ B'ab'el Libro Samuel 17:44

Xyaln 'a David 'ixtic: —Cotn̈ 'a tic, 'oj wac' a niwnal schi no 'usej, yet' 'a jun tzo'n̈ xo no chiwjum noc', xchi.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.