A Ch'an̈ Schab'l Libro Samuel 21:1 - Chuj San Sebastian Bible

¹ A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

Chuj San Mateo Bible

¹ A d'a yol stiempoal vin̈aj rey David, oxe' ab'il ix yac' jun vejel. Ix sc'anb'an vin̈aj David chi' d'a Jehová tas yuj icha chi' tzuji. Ix yalan Jehová chi' icha tic: Van eyab'an syail yuj jun vejel tic, yuj smul vin̈aj Saúl yed' yin̈tilal, yujto smilnaccham eb' gabaonita vin̈, xchi.

A Ch'an̈ Schab'l Libro Samuel 21:1 Iomraidhean Croise

Gn 12:10

Atn 'a yic jun tiempoal cha, ata 'ix jaw jun niwquil wejl 'a yib'n̈ smasnil 'anma 'a yol yic Canaán. Yuj cha, 'ix 'atx Abram, 'ix c'och cajn jun tiempoal 'a Egipto.

Gn 26:1

A 'a yic jun tiempoal cha, 'ix jaw jun niwquil wejl 'a jun lugar cha, 'icha ya'jnac 'a stiempoal win Abraham. Yuj cha, x'atcn Isaac 'a yol yic Gerar, 'a 'aj 'ayc' win Abimelec sreyl eb' filisteo.

Gn 41:57

Smasnil eb' 'anma 'a jun tzo'n̈ xo nacion̈, xc'och eb' manj trigo 'a José 'a Egipto, yujto smasnil xoj lugar 'aj 'ay wejel, man̈x 'a tas wach' sc'uxn eb' 'anma cha.

Gn 42:5

Til wal jun tzo'n̈ xo ewin manm trigo x'at yet' ewin yunnal Jacob atn win tzcuch pax Israel, yujto 'ay wejl 'a yol yic Canaán.

Gn 43:1

Caw an̈j 'ijnoc 'ay wejl 'a yol schon̈b' ewinac.

A Ch'an̈ Schab'l Libro Samuel 16:8

A Jehová wan ya'n spac eb' yin̈tl Saúl milb'il cham o'oj, yic e'n can 'ec' yopiso, ach xo ach 'ochx can sjeloc. Ax ticnec, a Jehová a 'ix 'a'n can pax opiso chi 'a yol sc'ab' win onnal Absalón cha. A jun a mul chi wan ach ya'n lajwoc, yujto ma'm ach cham 'anma', xchi.

A Ch'an̈ Schab'l Libro Samuel 20:26

A Ira, 'aj chon̈b' Jair, a ya'mal 'och sti David yaj 'a Dios.

A Ch'an̈ Schab'l Libro Samuel 21:5

'Ix ta'w eb' 'a win rey cha, 'ix yaln eb' 'ixtic: —Tzqui nib'j tzeyac' ucwn̈oc ewin yin̈tl Saúl 'a yol qui c'ab' on̈, yujto snib'jnac on̈ yac' lajwoc. 'Ix snan wal tas tzon̈ yutj qui satl on̈, sec wach' matz on̈ can 'a sat e lum ax israel ex tic.

A Ch'an̈ Schab'l Libro Samuel 24:1

'Ix cot yowl Jehová 'a chon̈b' Israel, 'ix ya'n 'och 'a snab'en David, to tz'ijx chan̈ sb'isl eb' israel yet' eb' 'aj Judá.

A Ch'an̈ Schab'l Libro Samuel 5:19

Yuj cha, sc'anb'n David 'a Jehová 'ixtic: —¿Tztac' am 'at wa'nc owl yet' eb' filisteo? ¿Tzac' am wal eb' 'a yol in c'ab'? xchi. —'Ixic, 'at 'ac' owl yet' eb', an 'oj wac' eb' 'a yol a c'ab', xchi Jehová.

A Ch'an̈ Schab'l Libro Samuel 5:23

Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ B'ab'el Libro Yic Yab'ixal Eb' Rey 18:2

Yuj cha, 'ix 'at Elías sch'ox sb'a 'a win Acab cha. A 'a Samaria, caw wal 'ay wejl si'mb'il.

A Ch'an̈ Schab'il Libro Yic Yab'ixal Eb' Rey 6:25

Yuj cha, 'ix jaw wal jun niwquil wejl 'a Samaria. 'Ix q'ue stojl smasnil tas. A junc no sjolm b'uru 80 q'uen tumn plata x'aj stojol, ax junc 'echb'al stza no parama, o'e q'uen tumn plata x'aj stojol.

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Lv 26:26

Ya' sb'a macnex yic tze coln e b'a 'a yol e chon̈b' cha, a yic cha, 'oj wic' 'emt yoc e wa'i. Lajn̈e n̈al eb' 'ix 'ix 'oj b'onc tas tzc'ux 'a junc c'aq'uil. Yechl xoj 'oj 'aj yajx tas tze c'uxu. 'Oj cob' e wa'i, palta ma'oj e b'ut'ji.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Josué 9:20

A tas 'oj qui b'oc yet' eb', to 'oj can cajn eb' 'a qui calec, sec ma'oj cot yowl Jehová 'ayn̈ec, yujto tox 'ix ca'c qui ti 'a 'a, xchi eb'.

Rt 1:1

A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.

A Ch'an̈ B'ab'el Libro Samuel 10:22

Yuj cha, 'ix sc'anb'n eb' jun 'ejm xo 'a Jehová, toto mantzac c'och Saúl chi 'aj 'ayc' eb' cha. Palta 'ix yaln Jehová chajtlto 'ayx 'ec' win ta', cojnto 'ix sc'ub'j 'el sb'a 'a scal jun tzo'n̈ maleta.

A Ch'an̈ B'ab'el Libro Samuel 23:11

¿'Ojm jawc Saúl wul in sayc' 'a tic, 'icha xwutj wab'ni? ¿'Ojm in ya'ch eb' 'aj Keila tic 'a yol sc'ab'? Tzin tew 'aych Jehová, ach in Diosal to tzal 'ayin tas tzwutj in b'a, xchi David. 'Ix yaln Jehová 'ixtic: —A Saúl wan scoti, xchi.

A Ch'an̈ B'ab'el Libro Samuel 23:2

'ix 'at sc'anb'noc yab' 'a Jehová, 'ix yaln 'ixtic: —¿Tzam 'ac' in permiso tz'at wac' owl yet' jun tzo'n̈ filisteo cha? xchi. —Ixquec, 'a'c owl yet' eb' filisteo cha, tze coln can 'el jun chon̈b' Keila cha, xchi Dios.

A Ch'an̈ B'ab'el Libro Samuel 23:4

Yuj cha, sc'anb'n pax David jun 'ejm xo 'a Jehová. 'Ix ta'w pax 'a 'ixtic: —'Ixquec 'a chon̈b' Keila, an 'oj wa'ch eb' filisteo 'a yol e cab', xchi.