A Ch'an̈ Schab'l Libro Samuel 20:21 - Chuj San Sebastian Bible

²¹ Man̈oc jun chi tzcala, palta a Seba yunnal Bicri, 'aj jolmctac witz 'a yol yic Efraín, a chi tzin sayq'ui, yujto 'ix snib'j smil cham win rey David, palta ax ticnec a 'a yol e chon̈b' tic 'ayq'ui. Cojn tzeyac' 'a yol qui c'ab' on̈, tzlajw cha, tzon̈ 'el 'a yol chon̈b' tic on̈, xchi winac. —'Oj qui jul 'ejm sjolm 'aych 'a yib'n̈ muro tic on̈, xchi 'ix 'ix chi 'a win Joab.

Chuj San Mateo Bible

²¹ Man̈oc jun chi' sco saya', palta a jun vin̈ scuchan Seba yuninal vin̈aj Bicri aj tzalquixtac d'a yol yic Efraín sco saya'. A jun vin̈ chi' ix q'ue vaan vin̈ ajc'olal d'a vin̈aj rey David. An̈ej vin̈ tzeyac' d'a yol co c'ab', tzon̈ el d'a jun chon̈ab' tic, xchi vin̈. —D'a yib'an̈ muro tic ol co julem sjolom vin̈ d'ayach, xchi ix.

A Ch'an̈ Schab'l Libro Samuel 20:21 Iomraidhean Croise

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'l Libro Samuel 20:2

Smasnil eb' israel cha, 'ix yactjcan eb' rey David, ax yet' Seba yunnal Bicrí 'ix 'at eb'. Palta ax eb' soldado 'a yin̈tl Judá, tza'n eb' yuj sreyal, 'ix b'ey cot eb' 'a sti a Jordán masnto 'a Jerusalén.

A Ch'an̈ Schab'l Libro Samuel 20:20

'Ix ta'w Joab, 'ix yaln 'ixtic: —Matz in na jun chi 'ixta'. Man̈oc jun chi 'ayc' 'a in nab'en wa'n lajwoc.

A Ch'an̈ Schab'l Libro Samuel 23:18

Ax win Abisai, yu'tac win Joab, win yune 'ix Sarvia, 'aych syajlilc eb' lajn̈schawinc soldado caw jelan. A 'a jun 'el, 'ix smil cham 'oxe ciente winc yet' slanza. 'Ixtnta 'ix yutj ya'n ganar sq'ue'ch 'a yopiso, palta ma'ix q'ue'ch 'icha ewin 'oxwn̈ cha.

A Ch'an̈ B'ab'el Libro Yic Yab'ixal Eb' Rey 11:26

An̈jtona 'ix 'och pax junx win 'ajc'ojlal 'a win rey Salomón, atn Jeroboam yunnal Nabat 'aj chon̈b' Sereda. Yin̈tl Efraín winac, schecb' Salomón yaji, Zerúa sb'i snun winac, chamnc yichmil 'ix.

A Ch'an̈ Schab'il Libro Yic Yab'ixal Eb' Rey 10:7

A yic schan eb' 'ichm winc chi junx ch'an̈ carta cha, 'ix syamn ewin eb' yunnal win Acab cha, 'ix smiln cham ewin eb'. Xlajw cha, 'ix ya'n 'ejm ewin sjolm eb' chi 'a yol jun tzo'n̈ xu'uc, 'ix 'at ya'nc 'ajxoc can eb' 'a Jehú 'a Jezreel.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

Jeremías 4:15

Caw tzc'och yab'xil owl 'a yol yic Dan yet' 'a lum jolmctac witz 'ay 'a yol yic Efraín.

Jeremías 50:19

'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad.

Josué 24:33

A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.

Jueces 2:9

Axta xmucx 'a sat slu'um, atn 'a lum Timnat-sera, 'a stojlal norte yic switzl Gaas, 'a yol yic lum jolmctac witz yic eb' yin̈tl Efraín.

Jueces 7:24

Ax Gedeón, 'ix 'at ya'n alxoc 'ixtc 'a eb' yic Efraín cajn 'a lum jolmctac witz. Cotn̈ec wul eyac' owl yet' eb' madianita, tzeya'n 'och stan̈mal eb' lum pan̈ctac 'aj wach' yec' eb' 'anma 'a yojl a Jordán 'a stz'ey Bet-bará. Tzex c'och ta muc'uc, sec man̈oc eb' tzb'ab'lj 'ayex, xchi 'at 'a eb'. A eb' yic Efraín cha, 'ix syamn sb'a eb' muc'uc, 'ix c'och eb' smac 'a sti a cha.

Jueces 9:55

Ax yic xyiln eb' soldado to xcham win Abimelec, 'ix pax junjn eb' 'a yatut.

A Ch'an̈ B'ab'el Libro Samuel 24:6

'ix yaln 'ixtc 'a eb' winc ajun yet' cha: —¡A cab' Jehová matz chan in b'o tas tu 'a win rey tic, yujto a 'a'jnac 'och win reyal! xchi.

A Ch'an̈ B'ab'el Libro Samuel 26:9

—Man̈ a mil chamoc, yujto tzann̈j mach tzmiln cham win rey to sic'b'il 'el yuj Jehová, tzjaw yailal 'a yib'an̈.