A Ch'an̈ Schab'l Libro Samuel 20:1 - Chuj San Sebastian Bible

¹ 'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

Chuj San Mateo Bible

¹ Ay jun vin̈ vinac yelxo te chuc spensar d'a scal eb' yin̈tilal Benjamín scuchan Seba yuninal vin̈aj Bicri. Ix spu noc' sch'aac vin̈, ix q'ue somnaj eb' anima chi' yuj vin̈, ix yalan vin̈ icha tic: A on̈ tic malaj calan quic d'a vin̈aj David yuninal vin̈aj Isaí tic. Con̈ paxec d'a co pat co masanil a on̈ israel on̈ tic, xchi vin̈ d'a eb'.

A Ch'an̈ Schab'l Libro Samuel 20:1 Iomraidhean Croise

A Ch'an̈ Schab'l Libro Samuel 15:10

Ax yic xc'och win 'a jun chon̈b' cha, 'ix 'at ya'nc alxoc 'a junjn 'in̈tal eb' yin̈tl Israel, to a yic tzyab'n eb' yoc' no cacha, tzyaln cab' eb', to tox x'och Absalón reyl 'a chon̈b' Hebrón.

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

A Ch'an̈ Schab'l Libro Samuel 16:7

A yic tzb'ajwj win Simei cha, xyaln win 'ixtic: —'Eln̈ 'a tic ach ma'm cham 'anma', caw may a ch'olnil.

A Ch'an̈ Schab'l Libro Samuel 18:17

Xlajw xoj cha, 'ix yi'n chan̈ eb' sniwnal win Absalón cha, ax 'a yojl jun jul 'a calte cha, ata 'ix sjulcn 'at eb' winac. 'Ix si'n can eb' syam sb'a q'uen q'uen 'a yib'an̈, caw niwn x'ajcn chan̈ b'uln q'uen q'uen cha. Ax smasnil eb' soldado Absalón cha, 'ix 'at eb' 'elc smasnil, 'ix pax eb' 'a yatut.

A Ch'an̈ Schab'l Libro Samuel 20:2

Smasnil eb' israel cha, 'ix yactjcan eb' rey David, ax yet' Seba yunnal Bicrí 'ix 'at eb'. Palta ax eb' soldado 'a yin̈tl Judá, tza'n eb' yuj sreyal, 'ix b'ey cot eb' 'a sti a Jordán masnto 'a Jerusalén.

A Ch'an̈ Schab'l Libro Samuel 20:22

Xlajw cha, 'ix 'at jun 'ix chi muc'uc, 'ix yaln 'a eb' 'anma 'ay sjelnal snab'en, 'ix tzu'n 'el eb' sjolm Seba cha, 'ix sjuln 'emt eb' 'a win Joab. Xlajw cha, 'ix yaln win Joab to tz'utz'x no cacha yic tz'el eb' 'a spatquil jun chon̈b' cha, junjn eb' soldado xpax eb' 'a yatut, ax win Joab, 'ix meltzj can win 'a Jerusalén, yic tzpaxtin win yet' win rey cha.

A Ch'an̈ Schab'l Libro Samuel 23:6

Palta smasnil eb' maysch'olnil snab'en, lajn eb' 'icha te q'uix tzjulx 'eli, may mach tzyal sc'ojl tz'och yamn 'a 'a.

A Ch'an̈ B'ab'el Libro Yic Yab'ixal Eb' Rey 21:10

Tze sayn chawn̈oc winc tu snab'en tzte'wtzej sb'a ya'n testigoal sb'a 'a yojltac, tzyaln eb' 'ixtc 'a 'a: Ach tic, ach b'uchwj 'a Dios yet' 'a win rey, xchi cab' eb' 'a 'a. Tzlajw cha, tzeyi'n 'el win 'a sti 'el chon̈ab', axta tzjul q'uenax winac, sec tzcham ta', xchi ch'an̈ carta cha.

2 Cr 10:6

Xlajw cha, 'ix sc'anb'n Roboam snab'en 'a eb' yichm wincal chon̈ab', atn eb' munljnac yet' Salomón, atn smam, 'ix yaln 'a eb' 'ixtic: —¿Tas wal junc nab'en tzeyac' 'ayn ax tic, tas 'oj wutc ta'wc in b'a 'a eb' 'anma tic? xchi.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Pr 25:8

A tas tzeyila, man̈ 'at e comn alc mu'c 'a eb' yajal, yujto lemb'il 'ay junc xo mach tzc'ochi, tz'at yalnc wal tas yaji, ax tz'aji, 'oj e q'uixw can 'eli.

Pr 26:21

'Icha tz'aj schacb' pax te stzac'ac' yic tz'ochx sc'atztzil, tzn̈ilchj pax cha'an̈, 'ixta tz'aj sq'ue wan owl 'a scal 'anma yuj junc mach cojn owl tz'ec' say sb'o'.

Mr 3:24

Q'uinloc 'ay junc niwc chon̈b' 'aj tzlaj spoj sb'a eb' yajal, tzlaj ya'nc eb' owal; toto 'ixta', yajn̈ej tzjuw 'el jun yic eb' cha.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Jn 13:8

—Palta may xon b'a'n̈ 'oj wac' a b'icl woc tic, xchi Pedro cha. —Toto matz ac' in b'icl jun, to 'ixta', toxn may aln ec wet'oc, xchi Jesús 'a 'a.

Dt 13:13

toto ata tzyij chan̈ sb'a eb' tenmtac 'a Dios, tzjucb'tzan eb' 'anma chi 'a maysch'olnil yic tzya'n 'ejm sb'a eb' 'a jun tzo'n̈ comn dios man̈ 'ojcab'iloc,

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.

Jueces 3:27

A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'.

Rt 2:3

Xlajw cha, 'ix 'at 'ix Rut 'a 'aj wan spolx cebada cha. 'Ix 'ec' si'nc chan̈ 'ix 'ixm sjolm xlaj can yuj ewin polm cebada cha. Ticni yic win Booz jun munljel 'aj xc'och 'ix cha, atn win 'ayt yuj sb'a yet' win Elimelec.

A Ch'an̈ B'ab'el Libro Samuel 13:2

'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

A Ch'an̈ B'ab'el Libro Samuel 30:22

'Ay ewin caw tu snab'en 'a scal ewin ajun yet' David cha, 'ix yaln eb' to a ewin 'ix can cha, man̈ smojc tz'ajx yic eb' 'a tastc xit' 'ijxc 'ec' cha. Cojn yistzil eb', yunnal eb' tz'ajx yico', tzlajw cha tzpax eb', xchi ewin xit' 'a owl cha.