A Ch'an̈ Schab'l Libro Samuel 2:4 - Chuj San Sebastian Bible

⁴ Xlajw cha, 'ix jaw ewin yin̈tl Judá 'a David, 'ix ya'n can 'och eb' David chi sreyloc. Ax yic xyab'n David chajtlto a eb' 'aj Jabes 'a yol yic Galaad, a eb' mucjnac Saúl,

Chuj San Mateo Bible

⁴ Ix lajvi chi', ix c'och eb' yichamtac vinaquil yin̈tilal Judá d'a vin̈aj David chi', ix yac'ancanoch vin̈ eb' sreyaloc. Ix yab'an vin̈aj David to a eb' aj Jabes d'a yol yic Galaad ix mucan vin̈aj Saúl,

A Ch'an̈ Schab'l Libro Samuel 2:4 Iomraidhean Croise

A Ch'an̈ Schab'l Libro Samuel 19:11

A smasnil jun tzo'n̈ 'ix yal eb' chon̈b' cha, 'ix alx 'a win rey David, yuj cha, 'ix 'at ya'nc win alxc 'a eb' ya'mal 'och sti eb' 'anma 'a Dios, atn Sadoc yet' Abiatar, xyaln win 'a eb' 'ixtic: Alc 'a eb' yichm wincal chon̈b' Judá, tze c'anb'n 'a eb', tas yuj slajb' xo tzyutj sb'a eb' 'a jun tzo'n̈ xo eb' quit israelal yic tzin yi'n 'at eb' an rey in tic 'a in despacho.

A Ch'an̈ Schab'l Libro Samuel 19:42

Ax smasnil eb' 'aj Judá, 'ix ta'w eb' 'a eb' yit israelal cha, 'ix yaln eb' 'ixtic: —'Ixta 'ix cutej yujto a win rey tic, quicanto qui b'a yet'oc, palta matz tac' tzcot eyowl yuj jun tic. ¿Tom yuj win rey tic ax qui wa 'on̈, toc wal 'ay jac tas tzquij 'a 'a? xchi eb'.

A Ch'an̈ Schab'l Libro Samuel 2:11

'Ixta x'aj David yoch sreyloc eb' yin̈tl Judá 'a uque ab'il yet' waque xo 'ujal, a jun chon̈b' 'aj xyac' reyal, atn 'a chon̈b' Hebrón.

A Ch'an̈ Schab'l Libro Samuel 2:7

Palta ax ticnec jun, caw 'a'c eyip, tzaljan̈ec, man̈ ex xiwoc, yujto wach'xam xcham Saúl, atn jun eyajlil, palta ax eb' yin̈tl Judá, a eb' in 'a'n 'och sreyloc, xchi 'at 'a eb'.

A Ch'an̈ Schab'l Libro Samuel 21:11

'Ix alx 'a rey David, tas chi tzb'o 'ix Rizpa cha, atn 'ix schab'l 'istzil can Saúl.

A Ch'an̈ Schab'l Libro Samuel 21:12

Yuj cha, 'ix ya'n David 'ijxoc cot sb'acl Saúl, yet' yic win yunnal, atn Jonatán. A eb' 'aj Jabes 'a yol yic Galaad, a eb' xit' 'el'jnac cot 'a sla'nil plas yic Bet-sán, 'a 'aj t'un̈n q'ue eb' yuj eb' filisteo, yic xlajw smiln cham eb' 'a owl 'a Gilboa.

A Ch'an̈ Schab'l Libro Samuel 5:17

A yic xyab'n eb' filisteo chajtlto x'ajx 'och David sreyloc chon̈b' Israel, yuj cha, xcot smasnil eb' soldado wul syam David. Palta xyab' sb'a David, yuj cha, x'och scol sb'a 'a yol scuartel.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ Schab'l Libro Samuel 5:5

Nan̈l swajxquil ab'il ya'jnac reyl 'a chon̈b' Hebrón 'a yib'n̈ eb' yin̈tl Judá, ax 'a Jerusalén, 33 ab'il ya'jnac reyl 'a yib'n̈ smasnil chon̈b' Israel yet' 'a Judá.

A Ch'an̈ Schab'il Libro Yic Yab'ixal Eb' Rey 11:12

'Ix yi'n 'elt Joiada win yunnal win rey muc'uc, 'ix ya'n q'ue scorona, 'ix ya'n win yun̈al strato Dios 'a 'a, xlajw cha, 'ix secn q'ue aceite 'a sjolm winac, 'ix yaln eb', to rey xo. Xlaj spoc' eb' sc'ab' smasnil, 'ix yaln eb' 'ixtic: ¡Viva win qui reyal! xchi eb'.

1 Cr 10:11

A yic 'ix yab'n smasnil eb' 'aj Jabes 'a yol yic Galaad, tas 'ix yutj eb' filisteo Saúl cha.

1 Cr 11:3

Ax smasnil eb' 'ichmtac winac, 'ix 'at eb' paxtinc yet' rey David 'a Hebrón, 'ix sb'on jun strato yet' eb' 'a yojltac Jehová. 'Ixta 'ix yutj eb' ya'n can 'och David 'a yopiso, yic tz'och sreyloc eb', 'icha yutjnac Samuel yaln yuj Jehová.

1 Cr 12:23

Atn slistail jun tzo'n̈ eb' syajlil eb' soldado tic caw jeln 'a owal. 'Ix jaw eb' wul ya'ch sb'a yet' David 'a Hebrón, yic tz'ajx 'och reyl sjelc Saúl, a tzyal 'ixta yaln can Jehová:

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.