A Ch'an̈ Schab'l Libro Samuel 2:18 - Chuj San Sebastian Bible

¹⁸ Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

Chuj San Mateo Bible

¹⁸ Ata' ayoch oxvan̈ eb' vin̈ yune' ix Sarvia, aton vin̈aj Joab, vin̈aj Abisai yed' vin̈aj Asael. A vin̈aj Asael chi' te jelan sb'ey vin̈ icha noc' c'ultaquil chej.

A Ch'an̈ Schab'l Libro Samuel 2:18 Iomraidhean Croise

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

A Ch'an̈ Schab'l Libro Samuel 14:1

A win Joab yune 'ix Sarvia, yojc wal si'mb'il to a win rey cha, tzcus win yuj win Absalón cha.

A Ch'an̈ Schab'l Libro Samuel 2:19

'Ix 'ochn̈j tza'n win Asael chi yuj Abner, caw man̈xtzac 'elcn win 'a spatc winac.

A Ch'an̈ Schab'l Libro Samuel 22:34

'Icha sjelnal sb'ey no c'ultquilchej, 'ixta in b'ey yu'uj, a tz'a'n wip yic tzin 'ec' 'a 'aj pa'ctac.

A Ch'an̈ Schab'l Libro Samuel 23:24

'A scal eb' lajn̈schawinc caw jeln cha, ata 'aych Asael, yu'tac Joab; yet' Elhanán, yunnal Dodo 'aj Belén; Sama 'aj Harod; Elica 'aj Harod paxi; Heles 'aj Palti; Ira yunnal Iques 'aj Tecoa; Abiezer 'aj Anatot; Mebunai 'aj Husah; Salmón 'aj Aho; Maharai 'aj Netofa; Heled yunnal Baana, an̈jtona 'aj Netofa; Itai yunnal Ribai 'aj Gabaa 'a yol yic Benjamín. Benaía 'aj Piratón; Hidai 'aj titc a', 'a yol yic Gaas; Abi-albón 'aj Arba; Azmávet 'aj Bahurim; Eliaba 'aj Saalbón; eb' yunnal Jasén, Jonatán; Sama 'aj Harod; Ahíam yunnal Sarar, an̈jtona 'aj Harod; Elifelet yunnal Ahasbai 'aj Maaca; Eliam yunnal Ahitofel 'aj Guilo; Hezrai 'aj Carmel; Paarai 'aj Arba; Igal yunnal Natán 'aj Soba, Bani 'aj Gad; Selec 'aj Amón; Naharai 'aj Beerot win scuchmal syamc'ab' Joab, win yune 'ix Sarvia; Ira 'aj Jatir; Gareb an̈jtona 'aj Jatir; yet' win Urías hitita, 37 eb' 'a smasnil.

A Ch'an̈ B'ab'el Libro Yic Yab'ixal Eb' Rey 2:5

'In ojc xo ach tic, tas in yutj Joab, win yune 'ix Sarvia, 'ix smil cham win chawn̈ eb' sgeneralil eb' soldado quit israelal: atn Abner yunnal Ner, yet' Amasa yunnal Jeter. A wal yic may owal, 'ix milx cham eb' yu'uj, 'icha to a 'a owl 'ix cham eb', 'icha to 'ix b'on̈x sincha yet' xan̈b' yuj schic'l eb'.

1 Cr 11:26

Atn slistail eb' caw jeln tic: Asael yu'tac Joab, Elhanán yunnal Dodo 'aj Belén; Samot 'aj Harod, Heles 'aj Pelón, Ira yunnal Iques 'aj Tecoa; Abiezer 'aj Anatot; Sibecai 'aj Husa; Ilai 'aj Aho; Maharai 'aj Netofa; Heled yunnal Baana 'aj Netofa paxi; Itai yunnal Ribai 'aj Gabaa, a jun cha, ata 'ay 'a yol yic Benjamín; Benaía 'aj Piratón; Hidai 'aj sti a Gaas, Abiel 'aj Arba. Azmavet 'aj Bahurim; Eliaba 'aj Saalboni; eb' yunnal Hasem 'aj Gizón; Jonatán yunnal Sage 'aj Arar; Ahiam yunnal Sacar 'aj Arar paxi; Elifal yunnal Ur; Hefer 'aj Mequera; Ahías 'aj Pelón; Hezrai 'aj Carmel; Naarai yunnal Esbai; Joel yu'tac Natán; Mibhar yunnal Hagrai; Selec 'aj Amón; Naharai 'aj Berot, a win tic 'et'jnac yamc'ab' yic owal, atn syamc'ab' Joab yune 'ix Sarvia; Ira 'aj Jatir, Gareb 'aj Jatir paxi. Urías win hitita; Zabad yunnal Halhai; Adina yunnal Siza, yic Rubén, a yajl yaj 'a yib'n̈ eb' yin̈tl Rubén cha, 30 eb' ajun yet'oc. Hanán yunnal Maaca; Josafat 'aj Mitán; Uzías 'aj Astarot; Sama yet' Jehiel yunnal Hotam 'aj Aroer; Jediael, yet' Joha yunnal Simri eb' 'aj Tiza; Eliel 'aj Mahanaim, Jerebai yet' Josavía, yunnal Elnaam eb'; Itma 'aj Moab. A Eliel, Obed, yet' Jaasiel 'aj Soba eb'.

1 Cr 12:8

An̈jtona yet' pax jun tzo'n̈ eb' yin̈tl Gad, 'ix ya'ch sb'a eb' yet' David yic 'ayc' 'a q'uen n̈aq'uen 'a lum cusltac lu'um. Caw jeln eb', cuywnac eb' ya'n owal, yet' eb' smaclab' sat jul-lab', yet' pax eb' slanza. Owltac yilx sat eb' 'icha no león, caw jeln sb'ey eb' 'icha no c'ultquil chej 'a jolmctac witz.

1 Cr 12:9

Atn sb'i ewin tic: Eser, Obadías, Eliab, Mismana, Jeremías, Atai, Eliel, Johanán, Elzabad, Jeremías, yet' Macbanai.

1 Cr 27:7

A syajlil eb' tz'och 'a yic schan̈l 'uj: atn Asael yu'tac Joab, ax Zebadías atn yunnal a x'ochcn yajlil sjelc smam cha.

Salmos 18:33

'Icha wal sjelnal sb'ey junc no nun c'ultquil chej, 'ixta in b'ey o'oj; tza'n wip yic tzlaj in 'ec' 'a 'aj pa'ctac.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Cantares 2:17

Ach quelm to chamc'ojlb'il wu'uj, ya' sb'a mantzac sacb'eli, meltzjan̈ paxta; lajn cab' tzotj a b'a 'icha junc no c'ultquil chej, 'icha cab' pax e no cotc c'ultquil chej tzb'atj chan̈ scot 'a lum jolmctac witz, xchi 'ix.

Cantares 8:14

Ach quelm chamc'ojlb'il wu'uj, carela a cot 'ayin. 'Ac' 'ip a b'ey 'icha no c'ultquil chej, 'icha wal junc no yune no c'ultquil chej 'ay 'a eb' lum tzalctac 'a 'aj 'ay eb' te incienso su'q'ui sjab', xchi 'ix.

Am 2:14

A 'a yic jun c'ul cha, a eb' jeln xon sb'eyi, man̈x 'oj stac' s'at eb' 'eloc, a eb' caw 'ay yip, man̈x 'a jac yip eb' ta', a eb' soldado caw tec'an, man̈x 'oj colchjoc eb'.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

A Ch'an̈ B'ab'el Libro Samuel 26:6

Xlajw cha, 'ix yaln David 'a Ahimelec win hitita, yet' 'a Abisai, yune 'ix Sarvia, yu'tac sb'a yet' win Joab, 'ix yaln 'a eb' 'ixtic: —¿Mach junc ex tzchaj e c'ojl e 'at wet' 'a 'aj 'ayc' Saúl 'a scamplamento? xchi. —An tzin 'at et'oc, xchi win Abisai cha.