A Ch'an̈ Schab'l Libro Samuel 19:10 - Chuj San Sebastian Bible

¹⁰ Ax pax Absalón, cob' ca'jnac 'och qui reyloc, tox xcham pax win 'a scal owal. ¿Tas tzqui tan̈wjec, ton̈j sictac cajec? ¿tas yuj matz 'at qui'c paxt David qui reyloc? xchi eb'.

Chuj San Mateo Bible

¹⁰ A vin̈aj Absalón chi' ix co comon aq'uejoch co reyaloc, toxo ix champax vin̈ d'a oval. ¿Tas sco tan̈vejec, yuj chi' max quic'xicot vin̈aj rey David chi' co reyaloc? xchi eb'.

A Ch'an̈ Schab'l Libro Samuel 19:10 Iomraidhean Croise

A Ch'an̈ Schab'l Libro Samuel 15:14

Yuj cha, 'ix yaln David 'ixtc 'a smasnil eb' 'aych yajlil yet' 'a Jerusalén cha: —Coyc 'elc muc'uc, yujto man̈x 'oj techjoc qui colnec qui b'a 'a win Absalón cha. Qui c'olc quip muc'uc, sec man̈x 'oj qui yamchjec yu'uj. Toto ma'ay, caw wal niwn tas 'oj juwc yuj winac, ax stzu'n cham win eb' 'anma 'a yol chon̈b' tic, xchi 'a eb'.

A Ch'an̈ Schab'l Libro Samuel 15:16

'Ixta 'ix 'aj rey David s'at 'elc yet' eb' yistzil, eb' yunnal yet' smasnil eb' 'aych yajlil yet'oc, cojxn lajn̈wan̈ eb' 'ix schab'l 'istzil win xcan tan̈wnoc yatut cha.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 19:11

A smasnil jun tzo'n̈ 'ix yal eb' chon̈b' cha, 'ix alx 'a win rey David, yuj cha, 'ix 'at ya'nc win alxc 'a eb' ya'mal 'och sti eb' 'anma 'a Dios, atn Sadoc yet' Abiatar, xyaln win 'a eb' 'ixtic: Alc 'a eb' yichm wincal chon̈b' Judá, tze c'anb'n 'a eb', tas yuj slajb' xo tzyutj sb'a eb' 'a jun tzo'n̈ xo eb' quit israelal yic tzin yi'n 'at eb' an rey in tic 'a in despacho.

A Ch'an̈ Schab'l Libro Samuel 19:40

'Ix 'at win rey 'a Gilgal, tza'n 'och win Quimam yu'uj yet' smasnil eb' 'aj Judá. 'Ix 'och pax tza'n nan̈l eb' israel chi yu'uj.

A Ch'an̈ Schab'l Libro Samuel 19:9

Smasnil eb' chon̈b' cha, xlaj yal junjn c'aj eb' 'ixtic: A win rey David on̈ colnec 'elt 'a yol sc'ab' eb' 'ajc'ojol, atn eb' filisteo; ax ticnec 'atnc 'elc 'a yol chon̈b' tic yuj yunnal, atn win Absalón.

Os 8:4

Tzlaj ya'ch eb' jun tzo'n̈ sreyal yet' syajlil, palta man̈oc in tzin si'ch eb'. Xlaj yi'nc cot eb' q'uen plata yet' q'uen oro, ax yet' q'uen xlaj sb'o eb' jun tzo'n̈ yechl sdiosal, yuj cha, mun a jun tzo'n̈ chi tz'i'n cot 'a yib'n̈ eb'.

Jueces 18:9

—X'ec' quil smasnil jun macn̈ lum lum cha, 'ix quil on̈ to caw wal wach' lu'um. ¡Coyec! ¡Ca'c owl yet' eb' 'anma cha! ¡May mach ton̈j tzcancn chotn 'a tic yic may jac tas tzb'o'o! ¡Coyc 'at qui'c 'ec' jun lum cha!