A Ch'an̈ Schab'l Libro Samuel 19:1 - Chuj San Sebastian Bible

^1-2 'Ix yab'n eb' 'anma', to tz'oc' win rey David, caw wal tacn̈ sc'ojl yuj schamlil Absalón, atn win yunnal, 'ix yab'n pax sb'a Joab. Yuj cha, a jun owl 'ix yac' ganar eb' 'a jun c'u cha, 'ix meltzj can 'och 'a cusc'ojlal.

Chuj San Mateo Bible

^1-4 Ix yab'an eb' anima to a vin̈aj rey David ste oc' vin̈ yuj schamel vin̈aj Absalón, vin̈ yuninal, yuj chi' a tzalajc'olal yuj b'aj ix yac' ganar oval eb' d'a jun c'u chi', ix meltzajcanoch d'a cusc'olal. A eb' soldado ix xid'ec' d'a oval chi', q'uixvelalxon̈ej ix aj sjax eb', elc'altacxon̈ej ix och eb' d'a yol chon̈ab' chi', ichato toxon̈ej ix el eb' d'a eb' ajc'ol chi'. A vin̈aj rey David chi', macan sat vin̈ tz'el yav vin̈: Ay ach vuninal aj Absalón. Ay ach vuninal aj Absalón, xchi vin̈. Ix yab' vin̈aj Joab to van yoc' vin̈ rey chi' yuj vin̈ yuninal chi'.

A Ch'an̈ Schab'l Libro Samuel 19:1 Iomraidhean Croise

Gn 37:35

Smasnil eb' yunnal yet' eb' yisil, xya'lj to wal eb' ya'n sniwnal sc'ojl smam cha, palta man̈xtoc tznib'j win tz'ajx sniwnal sc'ojol. Caw wal tz'oc' win yuj win yunnal cha, xyaln 'ixtic: Caw wal tzin cus yuj win wunnal cha, masnto 'oj in 'at yet' win 'a chamel, xchi winac.

A Ch'an̈ Schab'l Libro Samuel 18:12

Ax win soldado cha, xta'w win 'ixtic: —Wach'xam tzac' junc mil q'uen 'ayin, palta matz wa'ch in c'ab' in miln win yunnal win rey, yujto xcab' on̈ tas xyutj win rey chi yaln 'ayach, 'a win Abisai yet' 'a win Itai, chajtlto tze col win Absalón, sec may mach tzmiln winac.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 18:20

Palta 'ix yaln Joab 'ixtc 'a winac: —A ticnec, man̈ a mojc 'at aln jun 'ab'x tic, 'ojt 'at al 'a junc xo c'ual. Man̈ 'at al ticnec, yujto caw a yunnal win rey xchami, xchi.

A Ch'an̈ Schab'l Libro Samuel 18:33

Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

A Ch'an̈ Schab'l Libro Samuel 18:5

'Ix yaln win rey chi 'ixtc 'a Joab, 'a Abisai yet' 'a win Itai: Yuj e chamc'ojlal 'ayin tzwaln 'ayex, to tzeya'ilj win quelm Absalón, xchi. Ax smasnil eb' soldado cha, c'uxn xyab' eb' tas xyal win rey chi 'a eb' syajlil eb' yuj win Absalón cha.

Pr 17:25

A junc 'unnab'il tu snab'en, ton̈j tzuntzj cot yowl sc'ojl smam snun, tzya'n cus sc'ojl eb'.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.