A Ch'an̈ Schab'l Libro Samuel 18:3 - Chuj San Sebastian Bible

³ Palta 'ix ta'w ewin 'ixtc 'a winac. —Ma'ay, matz tac' a 'ati, yujto a eb' 'ajc'ojl cha, may yel'ch 'a eb' toxn̈ej tzon̈ 'at 'elc on̈ mto tzon̈ chamcn nan̈loc on̈, palta ach tic, 'ec'b'al el'ch 'a yib'n̈ lajn̈e'oc mil soldado 'icha on̈ tic on̈. Yuj cha, wach' tzach can 'a yol chon̈b' tic, sec ach xo tza't qui colmal 'a tic on̈, xchi eb'.

Chuj San Mateo Bible

³ Ix tac'vi eb' vin̈: —Maay mamin rey, max yal-laj a b'ati, yujto a eb' ajc'ol chi' a ach tzach sayec' eb', a on̈ pax tic ta tzon̈ colchaji, ma tzon̈ cham nan̈aloc yuj eb', malaj quelc'ochi, palta a ach tic ec'b'al snivanil elc'och d'a yichan̈ 10 miloc on̈ a on̈ tic. Yuj chi' vach' tzach can d'a yol chon̈ab' tic. Tato ay b'aj ijan tzon̈ ac'ji ganar, b'at on̈ a colo', xchi eb' vin̈.

A Ch'an̈ Schab'l Libro Samuel 18:3 Iomraidhean Croise

A Ch'an̈ Schab'l Libro Samuel 10:11

'Ix yaln Joab 'ixtic: Toto a eb' sirio yel xo jeln 'a wib'an̈, tzach 'at colwjc wet'oc, toto a pax eb' amonita yel xo jeln 'a eb'n̈ ach tic, 'oj in cot colwjoc pax et'oc.

A Ch'an̈ Schab'l Libro Samuel 17:2

Ya' sb'a may yip yuj c'unb'lal, ax in c'och 'a 'a. Ax smasnil eb' 'anma ajun yet' cha, 'oj in xib'tc eb', ax s'at eb' 'eloc. Cojn win rey chi 'oj in mila'.

A Ch'an̈ Schab'l Libro Samuel 21:17

Ax win Abisai, yune 'ix Sarvia, a win xc'och colnc David, 'ix cham jun filisteo chi yu'uj. Yuj cha, 'ix yac' eb' soldado win rey David sti 'ixtic: Yel xo wach' man̈xtzac ach 'at quet' 'a owal, sec wach' matz ach satl ach 'aych 'och yipc qui c'ojl an̈ israel on̈ tic, xchi eb'.

A Ch'an̈ B'ab'el Libro Yic Yab'ixal Eb' Rey 22:31

Palta ax win sreyl Siria cha, 'ix yal win 'ixtc 'a ewin 32 scapitan̈il eb' soldado winac, atn ewin xyij scaruaje yic owal: Man̈ e comn 'a'c owl yet' eb' comn soldado cha, cojn win rey yic chon̈b' Israel tzeyac' owl chi yet'oc, xchi win 'a eb'.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

A Ch'an̈ B'ab'el Libro Samuel 18:7

A yic wan sb'itn eb' 'ix cha, tzyaln eb' 'ix 'ixtic: 'Ec'b'al mil eb' 'ajc'ojl smil cham Saúl. Ax David 'ec'b'al lajn̈e mil eb' smil chamoc, xchi eb' 'ix.