A Ch'an̈ Schab'l Libro Samuel 18:2 - Chuj San Sebastian Bible

² 'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

Chuj San Mateo Bible

² Ox macan̈ ix aj spojanb'at eb' soldado chi' vin̈. A vin̈aj Joab ix och yajalil d'a jun macan̈, axo d'a junxo macan̈, a vin̈aj Abisai yuc'tac vin̈aj Joab chi' ix ochi. Axo junxo macan̈ jun, a vin̈aj Itai aj Gat ix och yajalil d'ay. Ix yalan vin̈aj rey David chi' d'a masanil eb' soldado icha tic: —Ol in b'at eyed'oc d'a oval chi', xchi vin̈.

A Ch'an̈ Schab'l Libro Samuel 18:2 Iomraidhean Croise

A Ch'an̈ Schab'l Libro Samuel 17:11

Ax ticnec, tzwac' a nab'enoc, to tza yamb'tzej smasnil eb' soldado israel 'ay 'a Dan masnto 'a chon̈b' Beerseba, a eb' 'anma cha, man̈x b'ischjb'enoc eb' 'icha yarenail sti a mar, ach tza jucb'tzej eb', ax a 'at yet' eb' 'a owl cha.

A Ch'an̈ Schab'l Libro Samuel 21:17

Ax win Abisai, yune 'ix Sarvia, a win xc'och colnc David, 'ix cham jun filisteo chi yu'uj. Yuj cha, 'ix yac' eb' soldado win rey David sti 'ixtic: Yel xo wach' man̈xtzac ach 'at quet' 'a owal, sec wach' matz ach satl ach 'aych 'och yipc qui c'ojl an̈ israel on̈ tic, xchi eb'.

A Ch'an̈ Schab'l Libro Samuel 23:18

Ax win Abisai, yu'tac win Joab, win yune 'ix Sarvia, 'aych syajlilc eb' lajn̈schawinc soldado caw jelan. A 'a jun 'el, 'ix smil cham 'oxe ciente winc yet' slanza. 'Ixtnta 'ix yutj ya'n ganar sq'ue'ch 'a yopiso, palta ma'ix q'ue'ch 'icha ewin 'oxwn̈ cha.

A Ch'an̈ Schab'l Libro Samuel 8:16

A eb' 'ix ya'n yajlil yet'oc, atn eb' tic: Win Joab yune 'ix Sarvia, a win syajlil eb' soldado, Josafat win yunnal Ahilud, a tz'ib'n yab'xil tas tzb'o win rey.

A Ch'an̈ B'ab'el Libro Yic Yab'ixal Eb' Rey 2:28

An̈jtona pax Joab 'ix ya'ch sb'a yet' Adonías, wach'xam ma'ix ya'ch sb'a yet' Absalón. A yic 'ix c'och jun 'ab'x tic 'a Joab, 'ix 'at 'elc 'a scajnub' Jehová, 'ix 'och yamn 'a sch'ac yet'l xajmb'al yic tzcoln sb'a snani.

Salmos 3:6

Wach'xam caw niwn eb' soldado tz'och oyn 'ayin, tznib'j eb' yac' owl wet'oc, palta matz in xiw yuj eb'.

Jueces 7:16

Xlajw cha, 'ix spojn 'ec' eb' 'oxe ciente soldado cha. 'Oxc'aj xyutj 'el eb'. Xya'n junjn scacha junjn eb', junjn pax schen jun jun. Ax 'a yojl schen eb' chi xyac' 'ejm staj, xya'n 'och eb' sc'aq'uil.

Jueces 7:19

Ax yic xc'axw 'e'ch Gedeón yet' eb' jun ciente soldado ajun yet' cha, a wal sjeln sb'a ewin soldado madianita 'a sturno 'a yic chim 'ac'wal. Ax eb' soldado Gedeón 'ix syamn 'och eb' yutz'n scacha, 'ix sma'n poj eb' schen' yet' sc'ab'.

Jueces 9:43

A yic xyab'n cha, 'ix spojn snan̈l eb' soldado, 'oxc'aj xyutj 'el eb'. X'at sc'ub'nc 'el sb'a 'a scal te 'a sti 'el chon̈b' cha. Ax yic x'elt eb' 'anma chi 'a sti chon̈b' cha, 'ix 'elt yet' eb' soldado 'aj sc'ub'j 'el sb'a cha, xya'n owl yet' eb' 'anma cha.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.