A Ch'an̈ Schab'l Libro Samuel 17:22 - Chuj San Sebastian Bible

²² A yic xyab'n David jun cha, 'ix q'ue wan yet' smasnil eb' 'anma ajun yet' cha, caw ji'ltixn̈ej x'ec' eb' 'a yojl a Jordán. Ax yic sacb'el 'a junx c'u cha, man̈x junc eb' 'anma tzat c'axw 'ec' 'a yojl a'.

Chuj San Mateo Bible

²² Ayic ix yab'an jun chi' vin̈aj rey David chi', ix q'ue vaan vin̈ yed' masanil eb' ajun yed' chi', elan̈chamel ix c'axpajec' eb' d'a yol a' Jordán chi'. Axo ix q'uin̈ib'i d'a junxo c'u, man̈xalaj junoc mach ayec' d'a sc'axepal ec'ta a' chi'.

A Ch'an̈ Schab'l Libro Samuel 17:22 Iomraidhean Croise

A Ch'an̈ Schab'l Libro Samuel 17:21

Xlajw spaxcn ewin cha, ax Ahimaas yet' Jonatán, 'ix q'ue paxt eb' 'a yol jul cha, 'ix 'at ewin 'at yal schecnb'il chi 'a rey David. 'Ix yaln ewin 'ixtc 'a 'a: Lem, 'ixquec muc'uc, tzeyac' 'ip e c'axw can 'ec' 'a yojl a Jordán. Yujto a win Ahitofel, 'ix yac' win sc'ojloc win Absalón yic tzwul ya'nc owl eyet' muc'uc, xchi eb'.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ Schab'l Libro Samuel 17:24

Ax David ata xc'och 'a chon̈b' Mahanaim, ya' sb'a ax Absalón, 'ix sc'axptej 'ec' a Jordán yet' smasnil eb' soldado israel cha.

Salmos 42:6

Ach in Diosal caw wal 'ay in cusc'ojlal, yuj cha, til wal 'ejm tzach in na cot 'a lum lum 'ay 'a sti a Jordán yet' 'a lum switzl Hermón yet' lum Misar.

Pr 27:12

Toto 'ay e nab'en, tzeya'ilj e b'a 'a tas 'ay smay, tze col e b'a 'a 'a. Ax toto may e nab'en, ton̈j 'ipn e 'at 'a eyojltac, masnto tzex 'em yuj yailal.

Nm 31:49

'Ix yaln eb' 'ixtc 'a 'a: An̈ a checb' on̈ tic, 'ix qui b'is smasnil eb' qui soldado 'aych 'a qui cuenta 'on̈. 'Ix quilni to tz'acn eb', may junc eb' xchami.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Jn 18:9

'Ixta x'aji, sec tz'el'ch tas 'ix yal Jesús yuj eb' scuywum, yic yaln 'ixtic: A eb' xac' 'ayn tic, may junc eb' sati, xchi.