A Ch'an̈ Schab'l Libro Samuel 17:16 - Chuj San Sebastian Bible

¹⁶ Yuj cha, 'at 'a'c alxoc mu'c 'a David, tzalx 'a 'ixtic: Man̈ ach can 'a jun 'ac'wl tic 'a lum ya'lical lum cusltac lum tic, palta to tzach 'e'x can 'a sc'axpil 'ec' a Jordán, sec ma'oj a cham yet' smasnil eb' 'anma ajun et'oc, xchi junc mach chi 'a 'a, xchi Husai cha.

A Ch'an̈ Schab'l Libro Samuel 17:16 Iomraidhean Croise

A Ch'an̈ Schab'l Libro Samuel 15:14

Yuj cha, 'ix yaln David 'ixtc 'a smasnil eb' 'aych yajlil yet' 'a Jerusalén cha: —Coyc 'elc muc'uc, yujto man̈x 'oj techjoc qui colnec qui b'a 'a win Absalón cha. Qui c'olc quip muc'uc, sec man̈x 'oj qui yamchjec yu'uj. Toto ma'ay, caw wal niwn tas 'oj juwc yuj winac, ax stzu'n cham win eb' 'anma 'a yol chon̈b' tic, xchi 'a eb'.

A Ch'an̈ Schab'l Libro Samuel 15:28

An xo tic, 'oj in cann̈j 'a lum ya'lical cusltac lum tic, masnto 'oj jawc yab'xil 'ayn eyu'uj, xchi win rey cha.

A Ch'an̈ Schab'l Libro Samuel 15:35

A pax ta xcan win Sadoc, win ya'mal 'och sti eb' 'anma 'a Dios yet' win Abiatar. Smasnil tas 'oj ab' yalx 'a yatut win rey cha, yajn̈ej tzaln yab' win Sadoc yet' Abiatar.

Salmos 35:25

Comnoc matz yal eb' wuj 'ixtic: Atn wal tic tzqui nib'ej, 'ix juw can 'el 'a jun 'ejmn̈ej cujec, man̈ xchic cab' eb'.

Salmos 55:8

Caw ji'lti tzin 'at in col in b'a yuj jun 'icha owl yaxn̈ab' 'aych yic'al, xin chi.

Salmos 56:2

'A junjn c'u tzin spechn b'eyc'oc eb' 'ajc'ojl yajch 'ayn cha, caw niwn eb' tzyij chan̈ sb'a ya'n owl wet'oc.

Salmos 57:3

A yuj a chamc'ojlal yet' yuj tz'el'chn̈ej tas tzala, yuj cha, tza' cot colnb'il 'ayn 'a satcha'an̈, ax in a coln 'el 'a yol sc'ab' eb' tzin 'ixtni.

1 Co 15:54

Yel ton jun, a qui niwnalec tic, 'oj juwoc, yujto yic chaml yaji. Palta 'ay junx niwnal 'oj 'ajxoc 'ayn̈ec, man̈x b'a'n̈ 'oj juwoc, may b'a'n̈ 'oj chamoc. Atta 'oj 'el'choc jun tas tz'ib'b'il can 'a Ch'an̈ U'un̈, 'a 'aj tzyal 'ixtic: A chamel, 'oj can 'a yalan̈, yujto 'oj 'ajxc ganar.

2 Co 5:4

A yic 'ayn̈ect 'ec' yet' jun qui niwnalec tic, tzon̈ c'acwec cab'n syail. Man̈toc ton̈j tzqui nib'jec tz'ijx 'ec' jun qui niwnalec tic. Palta tzqui nib'jec to tz'ajx junx qui niwnalec, sec 'oj satl jun yic chaml yaj tic, yic 'oj qui chac qui q'uinl 'a jun 'ejmn̈ej.

A Ch'an̈ B'ab'el Libro Samuel 20:38

'Ix 'awj 'at pax Jonatán chi 'a spatc win quelm chi jun 'ejm xo: —Caw carela a 'ati, man̈ ach 'och wa'an, xchi. Xlajw cha, xyi'n cot win quelm chi jun jul-lab' cha, 'ix ya'n 'a Jonatán.