A Ch'an̈ Schab'l Libro Samuel 16:21 - Chuj San Sebastian Bible

²¹ 'Ix yaln win Ahitofel chi 'ixtc 'a 'a: —A tas 'oj a b'o', to tzach way yet' eb' 'ix schab'l 'istzil a mam 'aycn tan̈j n̈a, sec 'oj nachjoc 'el yuj smasnil eb' chon̈b' tic, to caw tzach schacl a mam cha, ax smasnil eb' tz'och tza'n oj tic, 'oj ach ya'ch eb' yipc sc'ojol, xchi winac.

Chuj San Mateo Bible

²¹ Ix yalan vin̈aj Ahitofel chi': —A tas tza c'ulej ticnaic to tzach vay yed' eb' ix schab'il yetb'eyum vin̈ a mam aycan stan̈vej spat, yic vach' snachajel yuj masanil eb' israel tic to tzach chacjicanel yuj vin̈ a mam chi', axo masanil eb' ayoch ed' tic ol ach yac'och eb' yipoc sc'ool, xchi vin̈.

A Ch'an̈ Schab'l Libro Samuel 16:21 Iomraidhean Croise

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Gn 38:16

Xlajw cha, x'elcn win Judá 'a yol b'e, x'at win 'at yilcn 'ix. Ma'ix nachj 'el yu'uj toto a 'ix yalb' win cha, xyaln win 'a 'ix 'ixtic: —¿Matz yal am 'a c'ojl tzin way et'oc? xchi winac. —¿Tas tzac' 'ayin, yic tzach way wet' cha? xchi 'ix.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

A Ch'an̈ Schab'l Libro Samuel 10:6

Ax eb' amonita, 'ix nachj 'el yuj eb' to tu tas sb'o eb' 'a sat David, yuj cha, 'ix 'at stojnc eb' junc'l mil eb' soldado sirio xcot 'a chon̈b' Bet-rehob, yet' 'a chon̈b' Soba, yet' jun mil eb' soldado xyac' win sreyl Maaca, yet' lajchwe mil pax eb' xcot 'a chon̈b' Is-tob.

A Ch'an̈ Schab'l Libro Samuel 12:11

An Jehová in, an tzwalcni: A 'a scal eb' onnal, ata 'oj wac' pitzwoc chan̈ maysch'olnil. Q'ueln ach wal 'och 'a eb' 'ix estzil cha, ax wa'n eb' 'ix 'a junc xo win winac, ax sway win yet' eb' 'ix.

A Ch'an̈ Schab'l Libro Samuel 13:5

'Ix ya'n Jonadab chi snab'enoc Amnón, xyaln 'a 'ixtic: —'E'n̈ t'ocn 'a sat a ch'at, tzalni to wan a cham a'noc 'es. Ax yic tzjaw a mam ach yila', tzaln 'a 'ixtic: Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar, yic tzwul sb'onc 'unx jac tas tzin c'uxu. A yic 'oj wilnc tas tzb'o 'unx in c'ux cha, ax wul ya'nc 'unx 'ayin, ax in nib'n in c'uxu', xa chi 'a 'a, xchi win Jonadab chi 'a Amnón.

A Ch'an̈ Schab'l Libro Samuel 15:16

'Ixta 'ix 'aj rey David s'at 'elc yet' eb' yistzil, eb' yunnal yet' smasnil eb' 'aych yajlil yet'oc, cojxn lajn̈wan̈ eb' 'ix schab'l 'istzil win xcan tan̈wnoc yatut cha.

A Ch'an̈ Schab'l Libro Samuel 16:20

Xlajw cha, 'ix yaln Absalón 'ixtc 'a win Ahitofel: —¿Tas junc nab'en tzac' ach tic, tas 'oj cutquec qui b'a? xchi winac.

A Ch'an̈ Schab'l Libro Samuel 17:7

'Ix ta'w win Husai 'ixtic: —A jun nab'en xyac' Ahitofel, caw man̈ wach'oc.

A Ch'an̈ Schab'l Libro Samuel 2:7

Palta ax ticnec jun, caw 'a'c eyip, tzaljan̈ec, man̈ ex xiwoc, yujto wach'xam xcham Saúl, atn jun eyajlil, palta ax eb' yin̈tl Judá, a eb' in 'a'n 'och sreyloc, xchi 'at 'a eb'.

A Ch'an̈ Schab'l Libro Samuel 20:3

A yic xjapx rey David 'a yatut jun 'ejm xo 'a Jerusalén, 'ix yi'n 'at eb' 'ix lajn̈wan̈ schab'l 'istzil 'aycn stan̈malc yatut, 'ix cann̈j eb' 'ix 'a jun n̈a yu'uj, yic tztan̈wx eb' 'ix. An̈jta 'ix 'ajx wa eb', palta man̈x 'aj xway jun 'ejmoc yet' eb' 'ix. 'Ix macx can 'och eb' 'a yol n̈a cha, 'ix cann̈j eb' 'ix 'a man̈x 'a yichmil, 'icha eb' 'ix chamnc yichmil, masnto xcham eb'.

A Ch'an̈ B'ab'el Libro Yic Yab'ixal Eb' Rey 11:25

Caw wal x'och 'ajc'ojlal 'a chon̈b' Israel, yic pitzn to Salomón: Ax Rezón cha, 'ix 'och reyl 'a Siria.

A Ch'an̈ B'ab'el Libro Yic Yab'ixal Eb' Rey 2:17

—Tzin tew 'ayach, to tzal 'a rey Salomón, to tzyac' win 'ix Abisag 'aj Sunem wistloc. 'Oj syiclc xon win tas 'oj ala', xchi win Adonías 'a 'ix.

A Ch'an̈ B'ab'el Libro Yic Yab'ixal Eb' Rey 2:22

—¿Tas yuj tzwul a c'an 'ix Abisag yuj win Adonías cha? 'Icha to tzwul a c'ana', sec tzwac' wopiso tic 'a 'a, yujto in b'ab'l 'u'tac. 'In ojtac 'aych pax Abiatar ya'mal 'och sti eb' 'anma 'a Dios yet' winac, an̈jtona pax Joab yune 'ix Sarvia, 'aych pax yet'oc, xchi win rey 'a snun.

Lv 18:8

May cab' mach tzyij 'el sq'uixwel smam yic tzb'on 'ajmulal yet' yistzil smam cha.

Lv 20:11

Tzann̈j mach tzb'on 'ajmulal yet' yistzil smam, tzyi'n 'el sq'uixwel smam cha. A jun cha, yowlal tzchami, tzcham pax 'ix 'ix cha, mun a eb' tzyij cot chaml 'a yib'an̈.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

A Ch'an̈ B'ab'el Libro Samuel 13:4

Smasnil eb' israel 'ix yab' eb', chajtlto 'ix satx 'el jun c'aj eb' soldado filisteo yuj win Saúl. Yuj cha caw 'ix cot yowl eb' filisteo 'a eb' israel. Ax eb' israel cha, 'ix syamn sb'a eb' yet' win Saúl 'a Gilgal.

A Ch'an̈ B'ab'el Libro Samuel 27:12

'Ix ya'ch win Aquis David yipc sc'ojol, 'ix snan win 'ixtic: A eb' yit israelal, tox x'och eb' 'ajc'ojlal 'a 'a, yuj cha, caw 'oj cann̈j in yac' servil, xchi winac.