A Ch'an̈ Schab'l Libro Samuel 16:2 - Chuj San Sebastian Bible

² 'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

Chuj San Mateo Bible

² Ix sc'anb'an vin̈ rey chi' d'a vin̈: —¿Tas juntzan̈ ed'nac chi'? xchi vin̈. Ix tac'vi vin̈aj Siba chi': —Mamin rey, a noc' b'uru tic ol cuchan eb' al uninal. Axo ixim pan yed' sat te te' sloji tic, yic eb' a soldado yaji, axo pax vino tic ol yuq'uej eb' sc'unb'i sb'ey b'aj cuseltacxo tic, xchi vin̈.

A Ch'an̈ Schab'l Libro Samuel 16:2 Iomraidhean Croise

Gn 21:29

Yuj cha, sc'anb'n Abimelec 'ixtic: —¿Tas tzyal 'el'chi, yuj cha, tza pojn 'el ucwn̈ no calnelu cha? xchi.

Gn 33:8

Sc'anb'n Esaú 'a win Jacob 'ixtic: —¿Tas tza nib'j tza b'o yet' jun tzo'n̈ no noc' xin chaj 'a yol b'e? xchi Esaú. —Ec yaj smasnil no noc' cha, sec wach' man̈x 'a tu nab'enal tza na 'a in patic, xchi.

A Ch'an̈ Schab'l Libro Samuel 15:1

'Ix 'ec' jun tiempoal, ax x'aji, 'ix ya'n b'o Absalón jun scaruaje tzto'x yuj no chej. 'Ix sayn pax 50 eb' winc jeln tz'och tan̈wnc 'a 'aj tz'eq'ui.

A Ch'an̈ Schab'l Libro Samuel 15:23

Smasnil eb' 'anma 'a yol chon̈b' cha, caw ji'jmtac yoc' eb' yuj win rey, yic xyiln eb' s'atcn win yet' eb' ajun yet'oc. 'Ix 'ec' eb' 'anma chi 'a yojl a niwn a Cedrón. 'Ix 'ec' pax win rey chi yet' eb', 'ix 'atcn win yet' eb' 'anma chi 'a sb'el lum cusltac lu'um.

A Ch'an̈ Schab'l Libro Samuel 17:29

No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.

A Ch'an̈ Schab'l Libro Samuel 19:26

—Mamin rey, caw wal matz tac' in b'eyi', yuj cha, 'ix waln cob' 'a win in checb' Siba, to tzya'ch win stz'um no in b'uru, yic tzin 'at et' walni, palta in yixtj paxti winac.

Ez 37:18

Ax yic 'oj sc'anb'n eb' et chon̈b' 'aych 'ixtic: Al 'ayon̈ tas tzyal 'el'ch jun tic, toto xchi eb',

Jueces 10:4

A win Jair cha, 'ay lajn̈schawinc yunnal. A eb' yunnal win cha, 'ayn̈j sb'uru junjn eb', yib'n̈ b'uru chi tz'ec' eb'. 'Ay pax junjn schon̈b' eb' 'a yol yic Galaad cha. A lajn̈schawinc chon̈b' cha, an̈ja yalx yuj eb' 'ixtic: A Eb' Lum Schon̈b' Can Jair, xchi.

Jueces 5:10

Ex wit chon̈ab', e masnil ex tzex q'ue 'a yib'n̈ no sac b'uru, ex niwc winc tzex 'em wocn 'a yojl te xila man̈x jantcoc sja'l sposmtacl yojol, yet' ex tzex b'ey 'a eyoc, b'itnan̈ec.

A Ch'an̈ B'ab'el Libro Samuel 14:28

Ax jun yit chon̈b' chi 'ix aln 'a 'ixtic; —A 'a mam, 'ay jun sti xyalcn 'ayn̈ 'ixtic: Cot cab' catb' 'a yib'n̈ mach tzc'uxn junc tas tzc'uxx ticnec, xchi. Yuj cha, caw lajn xoj yel quip qui masnilec, xchi 'a Jonatán.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.