A Ch'an̈ Schab'l Libro Samuel 15:26 - Chuj San Sebastian Bible

²⁶ Palta toto man̈xtzac tzalj wet' jun, waj ticnec 'a yol sc'ab', sb'o cab' tas 'icha tznib'j 'ayin, xchi win rey cha.

Chuj San Mateo Bible

²⁶ Tato maxtzac tzalaj ved' jun, ujocab' icha val tas sgana d'ayin, xchi vin̈aj David chi'.

A Ch'an̈ Schab'l Libro Samuel 15:26 Iomraidhean Croise

A Ch'an̈ Schab'l Libro Samuel 10:12

Caw te'n tzotj a b'a, ca'c quip qui colnec qui nacion̈, atn eb' chon̈b' yic qui Diosalec. B'o cab' 'icha tas tznib'j Jehová, xchi Joab.

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

A Ch'an̈ Schab'l Libro Samuel 19:28

Wach'xam smasnil eb' yin̈tl in mam 'icham, smoj wal xin milx cham yet' eb' 'a ojltac, palta ach tic, in awtj wac 'et 'a a mexa, yuj cha, ¿tas to wach' tztac' in c'ann 'ayach? xchi Mefi-boset cha.

A Ch'an̈ Schab'l Libro Samuel 22:20

In scolcn 'elta, in ya'n can 'a jun lugar caw lewan 'a 'aj may tzin 'i'ni, yujto tzin schamc'ojlej.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

1 Cr 21:7

An̈jtona pax Dios caw ma'ix schaj sc'ojl jun tzo'n̈ cha. Yuj cha, 'ix ya'n cot yailal 'a yib'n̈ chon̈b' Israel.

2 Cr 9:8

Alx cab' wach' paxti 'a Jehová a Diosal to caw tzalj et'oc, yuj cha, ach ya'n 'och reyl sjeloc. Yuj schamc'ojlal 'a chon̈b' Israel tic, yic tzb'inax sb'i 'a smasnil tiempo, yuj cha, ach ya'n 'och reyal, sec wach' tzac' reyl 'a swach'il yet' 'a stojlal, xchi 'ix.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Nm 14:8

Toto tz'el 'a sc'ojl Jehová tzcolwj quet'ec, 'oj cochc xon 'a lu'um, yujto a 'oj a'noc lum 'ayn̈ec. A jun lum cha, caw wal yax sat lu'um.

Mt 1:10

A Ezequías a 'ay yunnal Manasés, ax Manasés a 'ay yunnal Amón, atn smam Josías.

Josué 9:25

A ticnec 'ayn̈ xo 'ec' 'a yol e c'ab', ax tze na'a tas tzon̈ eyutj on̈, xchi eb'.

Jueces 10:15

Yuj cha, 'ix ta'w eb' 'ixtc 'a Jehová: —'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'.

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.