A Ch'an̈ Schab'l Libro Samuel 15:23 - Chuj San Sebastian Bible

²³ Smasnil eb' 'anma 'a yol chon̈b' cha, caw ji'jmtac yoc' eb' yuj win rey, yic xyiln eb' s'atcn win yet' eb' ajun yet'oc. 'Ix 'ec' eb' 'anma chi 'a yojl a niwn a Cedrón. 'Ix 'ec' pax win rey chi yet' eb', 'ix 'atcn win yet' eb' 'anma chi 'a sb'el lum cusltac lu'um.

Chuj San Mateo Bible

²³ Masanil anima, ayic ix yilan eb' sb'at vin̈ rey chi' yed' eb' soldado, ix te oc' eb' sic'lab'il. Ix ec' eb' anima van yel chi' d'a yol a' Cedrón, ix b'at eb' d'a sb'eal lum luum cuseltacxo.

A Ch'an̈ Schab'l Libro Samuel 15:23 Iomraidhean Croise

A Ch'an̈ Schab'l Libro Samuel 15:22

Yuj cha, xyaln David chi 'ixtc 'a win Itai cha: —Lem, coyc muc'uc, xchi. 'Ix 'at win Itai chi yet' David, xyi'n 'at eb' soldado ajun yet'oc yet' eb' yunnal eb' yet' pax eb' 'ix yistzil eb'.

A Ch'an̈ Schab'l Libro Samuel 15:28

An xo tic, 'oj in cann̈j 'a lum ya'lical cusltac lum tic, masnto 'oj jawc yab'xil 'ayn eyu'uj, xchi win rey cha.

A Ch'an̈ Schab'l Libro Samuel 16:2

'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

A Ch'an̈ B'ab'el Libro Yic Yab'ixal Eb' Rey 15:13

'Ay jun yechl Asera 'ac'b'il b'o yuj 'ix Maaca, atn 'ix snunchichm winac. Yuj jun cha, 'ix yi'n 'el win sb'inab'ilal snunchichm cha. 'Ix sma'n poj win Asa chi jun yechl cha, axta 'ix 'at sn̈us tz'a win 'a sti a niwn a Cedrón.

A Ch'an̈ B'ab'el Libro Yic Yab'ixal Eb' Rey 2:37

Toto tzach 'el 'a tic, tza'n pural ec' 'a yojl a Cedrón, toto 'ixta', yowlal tzach chami, mun wal ach tzej cot chaml 'a eb'an̈, xchi Salomón 'a 'a.

2 Cr 29:16

'Ix 'och eb' ya'mal 'och sti eb' 'anma 'a Dios 'a yol yatut Jehová yic tzsacb'tzan eb'. 'Ix yi'n 'elt eb' smasnil jun tzo'n̈ tas man̈ wach'c 'ix 'ilchj yuj eb' 'a yojol; x'el-l jun tzo'n̈ chi yuj eb' 'a yamq'uil, ax jun tzo'n̈ xo eb' levita xit' julnc can 'at jun tzo'n̈ chi 'a sch'olnil sti a Cedrón.

Jeremías 31:40

Smasnil lum pan̈n 'aj tzmucx eb' chamnc 'anma', yet' 'a 'aj tzjulx 'el stan̈il c'ac', yet' smasnil span̈nil yib'n̈ q'ue sti a a tzcuch Cedrón, masnto 'a junx schicn 'a 'aj 'ay jun puerta 'aj tz'och e no chej, 'a stojlal 'aj tzq'uel c'u, a jun cha, wic 'oj 'ajcni. A smasnil jun tzo'n̈ tic, man̈x 'a b'a'n̈ 'oj satli, man̈x 'a pax b'a'n̈ 'oj lajwc 'eli, xchi Dios.

Mt 3:1

A 'a jun tiempoal cha, 'ix c'och Juan Bautista 'a jun cusltac lum 'ay 'a yol yic Judea. Ata xyal-l spaxti Dios 'a eb' 'anma tzlaj c'och 'a 'a.

Mt 3:3

A jun schecb' Dios Isaías sb'i, 'aycto stz'ib'n can yab'xil Juan 'a Ch'an̈ Un̈ 'ixtic: 'Ay jun mach 'a cusltac lu'um, 'oj 'awjoc cha'an̈, ax yaln 'ixtic: B'oc junc sb'e Cajlil, caw tojl tzeyutj e b'on 'a 'a, 'oj schioc, xchi 'a Ch'an̈ Un̈ cha.

Lc 1:80

Ax jun 'unn cha, 'ix q'uib'i, x'och snab'en, 'ix c'och cajn 'a cusltac lu'um, masnto xc'och sc'ual, yic sch'oxn 'el sb'a 'a eb' yit israelal.

Jn 18:1

Xlajw yaln Jesús jun tzo'n̈ tic, 'ix 'at yet' eb' scuywum. 'Ix c'och eb' 'a sc'axpil 'ec' jun ch'oln Cedrón sb'i', 'a 'aj 'ay jun tzo'n̈ 'awb'ente'. Ata xc'och eb' 'a scal.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.