A Ch'an̈ Schab'l Libro Samuel 15:18 - Chuj San Sebastian Bible

¹⁸ Ax smasnil eb' 'aych yajlilc chi yet'oc, 'ix c'och eb' 'a stz'ey, 'ix stojlb'tzan sb'a smasnil eb' soldado 'a yojltac, atn eb' quereteo yet' pax eb' peleteo 'aych stan̈maloc, yet' pax waque ciente eb' soldado geteo x'och tza'n yuj 'a chon̈b' Gat, 'ix c'och eb' 'a stz'ey win rey cha.

Chuj San Mateo Bible

¹⁸ Masanil eb' yetyajalil vin̈, ix c'och eb' d'a stz'ey vin̈. Axo pax eb' soldado stan̈van vin̈, aton eb' cereteo yed' eb' peleteo, d'a stzolal ix b'at eb' d'a yichan̈ vin̈ yed' vaque' ciento eb' soldado cotnac yed' vin̈ d'a Gat.

A Ch'an̈ Schab'l Libro Samuel 15:18 Iomraidhean Croise

A Ch'an̈ Schab'l Libro Samuel 15:17

A yic tox x'el win rey yet' eb' 'anma chi 'a yol chon̈b' cha, axta x'och wan eb' 'a jun lugar 'a sti 'el chon̈b' cha.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

A Ch'an̈ Schab'l Libro Samuel 20:23

'Ixta 'ix 'aj yoch Joab yajlil 'a scal smasnil eb' soldado yic Israel, ax Benaía yunnal Joiada, a yajl yaj 'a eb' quereteo, yet' 'a eb' peleteo.

A Ch'an̈ Schab'l Libro Samuel 20:7

Ax eb' soldado yic Joab, yet' eb' quereteo, yet' pax eb' peleteo, atn eb' stan̈mal win rey, yet' jun tzo'n̈ xo eb' soldado caw jelan, 'ix 'el eb' 'a Jerusalén. 'Ix 'at eb' yet' win Abisai, yic tz'at eb' 'a spatquil win Seba cha.

A Ch'an̈ Schab'l Libro Samuel 6:10

Yujto man̈x 'ic snib'j David xyij cot te scaxail strato Jehová chi 'a yol chon̈ab', yuj cha, xya'n David 'ijxoc can 'at te 'a yatut Obed-edom, win 'aj Gat.

A Ch'an̈ Schab'l Libro Samuel 8:18

Benaía win yunnal Joiada, yajl yaj 'a eb' soldado tztan̈wni rey David, atn eb' quereteo yet' eb' peleteo. Ax eb' yunnal David cha, sat yajl yaj eb' 'a eb' yajl cha.

A Ch'an̈ B'ab'el Libro Yic Yab'ixal Eb' Rey 1:38

Xlajw cha, 'ix 'ajx q'ue Salomón 'a yib'n̈ no smula win rey David yuj eb' tic: Sadoc, Natán, Benaía yunnal Joiada, eb' quereteo, yet' eb' peleteo. Xlajw cha, xyi'n 'at eb' win 'a spac'b'a 'a Guihón.

1 Cr 18:17

Ax Benaía yunnal Joiada, a yajl yaj 'a yib'n̈ eb' quereteo yet' eb' peleteo. Ax eb' yunnal David cha, a eb' sat yaj scolwj yet'oc.

A Ch'an̈ B'ab'el Libro Samuel 23:13

Yuj cha, 'ix 'el David 'a Keila cha, yet' eb' ajun yet'oc 'aym waque'oc ciente eb'. Chucchc lugar 'aj tz'ec' eb'. Ax yic 'ix c'och speclal 'a Saúl, to tox 'ix 'el David 'a chon̈b' Keila, yuj cha, man̈xtoc 'ix 'at 'a spatc eb'.

A Ch'an̈ B'ab'el Libro Samuel 25:13

Yuj cha, 'ix yaln David 'ixtc 'a eb' winc ajun yet'oc: 'Ijc eyespada e masnil, xchi. Yuj cha, xya'n 'och ewin yespada 'a snan̈l smasnil, 'ix ya'n 'och pax David yico'. Chan̈e ciente eb' x'och tza'n yu'uj. Ax chab' ciente eb' xcancn stan̈wc syamc'ab' eb'.

A Ch'an̈ B'ab'el Libro Samuel 27:3

'Ix can cajn eb' yet' win Aquis 'a Gat cha, junjn eb' yet' yistzil yet' yunnal. A David cha, 'ix yij 'at eb' yistzil schawn̈il yet'oc, atn 'ix Ahinoam 'aj Jezreel, yet' 'ix Abigail yistzil can win Nabal, win 'aj Carmel.

A Ch'an̈ B'ab'el Libro Samuel 27:4

A yic xyab'n Saúl speclal to a David tox 'ix 'at 'elc 'a Gat, yuj cha, 'ix yactn win spechn b'eyc'oc.

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.

A Ch'an̈ B'ab'el Libro Samuel 30:14

Yujto on̈ xit' cac' lajwc tastc 'ay 'a Neguev 'a slum eb' quereteo, yet' 'a eb' yic Judá, yet' 'a yic Caleb. 'Ix ca'n can 'och sc'a'l chon̈b' Siclag on̈, xchi win moso cha.

A Ch'an̈ B'ab'el Libro Samuel 30:9

Yajn̈j wal cha, 'ix 'at David 'a spatquil eb', yet' eb' waque ciente winc ajun yet' cha. 'Ix c'och eb' 'a jun niwn ch'oln 'a Besor.