A Ch'an̈ Schab'l Libro Samuel 15:12 - Chuj San Sebastian Bible

¹² Ya' sb'a wan ya'n win xajmb'al, 'ix 'at ya'nc win cot win Ahitófel 'aj chon̈b' Guiló. A win tz'a'n snab'enoc David. Til wal 'anma chi 'ix 'och tza'n yuj win Absalón cha.

Chuj San Mateo Bible

¹² Ayic van yac'an silab' chi' vin̈, ix schecan vin̈ b'at ic'joccot vin̈aj Ahitofel d'a schon̈ab', aton Gilo. Ac'um razón yaj vin̈ d'a vin̈aj David. A jun tas ix sna vin̈aj Absalón chi' van yoch yip yujto ix q'uib' sb'isul eb' anima ix och yed' vin̈.

A Ch'an̈ Schab'l Libro Samuel 15:12 Iomraidhean Croise

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

A Ch'an̈ Schab'l Libro Samuel 16:15

Ax win Absalón yet' smasnil eb' yitb'eym sb'a yet'oc, 'ix c'och eb' 'a yol chon̈b' Jerusalén yet' win Ahitofel.

A Ch'an̈ Schab'l Libro Samuel 17:14

Yuj cha, 'ix yaln Absalón 'ixtc yet' eb' yichm wincal chon̈b' Israel: A jun nab'en tzyac' Husai tic, yel xo wach' 'a yib'n̈ yic win Ahitofel, xchi eb'. (Yujto a Jehová, a 'ix 'a'n juwc jun snab'en win Ahitofel cha, sec tzjaw maysch'olnil chi 'a yib'n̈ win Absalón.)

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ B'ab'el Libro Yic Yab'ixal Eb' Rey 21:12

'Ix ya'n 'och sb'a ewin 'a c'ajb'c'ojlal, xya'n 'elt eb' win Nabot 'a yojltac eb' 'anma cha.

A Ch'an̈ B'ab'el Libro Yic Yab'ixal Eb' Rey 21:9

A eb' ch'an̈ carta cha, 'ixtc yaln eb' ch'an̈: Alc 'a eb' 'anma', to tz'och eb' 'a c'ajb'c'ojlal, tzeya'n 'elt win Nabot 'a yojltac eb'.

1 Cr 27:33

A Ahitofel ya'mal snab'en win rey yaji, ax Husai, win arquita caw swach'c'ojl sb'a win rey yet'oc.

Salmos 41:10

Mamin Jehová, 'o'ch cab' wal a c'ojl 'ayin, 'ac' jawc pax in c'ojol, ax wa'n in pac 'a eb' 'ajc'ojl cha.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Nm 23:1

Yuj cha, 'ix yaln Balaam 'ixtc 'a Balac: —B'o chan̈ uque'oc yet'l xajmb'al 'a tic. Tzlajw cha, tze'n cot ucwn̈oc no quelm wacax, yet' ucwn̈oc no mam calnelu, xchi.

Nm 23:14

Xlajw cha, 'ix 'ijx 'at Balaam yuj Balac 'a jun lugar tzcuch Zofim, 'a lum jolm witz Pisga. Ata xyac' b'o chan̈ uque yet'l xajmb'al, xya'n q'ue xajmb'al 'a yib'an̈, jun quelm wacax, jun mam calnelu 'a jun jun.

Nm 23:30

'Ix sb'o Balac 'icha wal xyutj Balaam yalni, jun quelm wacax yet' jun mam calnelu, 'ix ya'n q'ue 'a yib'n̈ junjn yet'l xajmb'al cha.

Jn 13:18

—Matz wal eyuj e masnil, yujto wojtac, machx sic'b'ilx xo 'el wu'uj. Palta yowlal 'oj 'el'choc tas tz'ib'b'il can 'a Ch'an̈ U'un̈, 'a 'aj tzyal 'ixtic: A jun in wach'c'ojl to junn̈j tzin wa yet'oc, 'ix meltzj 'och 'ajc'ojlal 'ayin, xchi.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.