A Ch'an̈ Schab'l Libro Samuel 14:7 - Chuj San Sebastian Bible

⁷ Ax ticnec, smasnil eb' wican tz'och eb' 'ajc'ojlal 'ayin, tznib'n eb' to tzwac' win xmiln yu'tac chi 'a yol sc'ab' eb', ax eb' tzmiln win yuj schamlil win yu'tac cha. 'Ixta tznib'j eb', sec tzsat 'ejm win 'ay yaln yic yi'n can smacl smam cha. 'Ixta tznib'j eb' tzin 'ajcni, man̈x 'a yin̈tl win tzcani, sec tzsat 'ejm yalx win wichmil chi 'a sat lum tic, xchi 'ix.

Chuj San Mateo Bible

⁷ Axo ticnaic masanil eb' in c'ab' voc smeltzajoch ajc'olal d'ayin, snib'ej eb' svac'och vin̈ ix milancham vin̈ yuc'tac chi' d'a yol sc'ab' eb' yic smilancham vin̈ eb' yuj schamel vin̈ yuc'tac chi'. Icha chi' snib'ej eb' yic satcanel vin̈ ay yalan yic yic'ancan smacb'en smam chi'. Tato icha chi', man̈xa mach svac'och yipoc in c'ool, tzam satel masanil yin̈tilal vin̈ vetb'eyum, man̈xa am b'aj sb'inajcan vin̈, xchi ix.

A Ch'an̈ Schab'l Libro Samuel 14:7 Iomraidhean Croise

Gn 27:45

Ax yic tox sat sc'ojl ni yuj a mul cha, ax wa'n alxoc 'ayach, sec tzach paxta. Matz in nib'j to junn̈j c'u tzex cham e chawn̈il, xchi 'ix.

Gn 4:14

'In to tzin ej can 'el 'a sat lum lum tic, tzin c'ub'n 'el in b'a 'a ojltac, toxn̈ej 'oj in satq'ui. Yaln̈j mach 'oj wilchj yu'uj, ax in sma'n chamoc, xchi winac.

A Ch'an̈ Schab'l Libro Samuel 12:17

Ax eb' 'ichmtac winc tzmunlj yet' 'a sdespacho cha, 'ix c'och eb' 'a 'a, yic xcob' 'at yi'nc chan̈ eb' 'a sat lum cha, palta ma'ix schaj chan̈ sb'a, ma'ix yal sc'ojl xwa yet' eb'.

A Ch'an̈ Schab'l Libro Samuel 14:6

An a checb' in tic, 'ay chawn̈ wune', ax x'aji, 'ix 'at ewin munljoc. Ax 'a scal smunljel ewin chi 'ix yac' owal. Toc 'ay mach xpojn snan̈l eb', 'ix smil jun win chi win yu'tac cha.

A Ch'an̈ Schab'l Libro Samuel 14:8

Xlajw cha, 'ix yaln win rey chi 'a 'ix 'ixtic: —'Ixc 'a atut, 'oj wila' tas 'oj wutc colwjc in b'a 'aych yuj jun tzal 'ayn tic, xchi win rey cha.

Nm 35:19

A junc 'ayt yuj sb'a yet' junc 'anma tzcham cha, a tztac' ya'n spac jun tzcham cha, yaln̈ej 'aj tzchaj sb'a yet' jun milm cham 'anma cha.

Mt 21:38

Palta ax xyiln ewinac, wan sc'och jun yunnal win chi 'a ewinac, 'ix smol aln ewin 'ixtic: 'Into a win 'unnab'il tic tzjawi. Q'uinloc 'oj cham smam, ax win 'oj 'ica'anc can lu'um. Qui milc chamoc, sec a 'ayn̈ec 'oj can lu'um, xchi ewinac.

Dt 25:6

Ax junc yune 'ix tzb'ab'l 'alji, a sb'i win yichmil 'ix chi chamnc cha, a tz'och sb'ic jun 'unn cha, sec matz satl sb'i win 'a scal eb' quit chon̈b'ec.