A Ch'an̈ Schab'l Libro Samuel 14:2 - Chuj San Sebastian Bible

² Yuj cha, 'ix 'at ya'nc win Joab cot jun 'ix 'ix caw jeln snab'en 'a chon̈b' Tecoa. 'Ix yaln win 'ixtc 'a 'ix: —Tza tz'ac cus a b'a, tza'n 'och a pichl yic cusc'ojlal; man̈ a'ch pax perjuma 'ayach, 'icha wal junc 'ix to 'ayx tiempo yoch 'a cusc'ojlal yuj junc mach chamnc 'a 'a, 'ixta tzotj a b'a.

Chuj San Mateo Bible

² Yuj chi' ix b'at schec vin̈ ic'joccot jun ix ix te jelan spensar cajan d'a Tecoa. Ix yalan vin̈ d'a ix icha tic: Tz'ac cus val a b'a, tzac'anoch pichul yic cusc'olal. Man̈ ac'och perfume d'ayach. Icha val junoc ix ix to ayxo syamanoch yoc' yuj junoc chamnac, icha chi' tzutej a b'a.

A Ch'an̈ Schab'l Libro Samuel 14:2 Iomraidhean Croise

A Ch'an̈ Schab'l Libro Samuel 11:26

A yic xyab'n sb'a 'ix yistzil win Urías cha, to xcham yichmil 'ix, 'ix 'och 'ix 'a cusc'ojlal yuj win yichmil cha.

A Ch'an̈ Schab'l Libro Samuel 12:20

Xyab'n David to x'och chamel, yuj cha, 'ix q'ue wan 'a sat lu'um. 'Ix 'achni, xya'n 'och perjuma 'a 'a. Sjeln spichul, 'ix 'at ya'nc 'emmquilal 'a yol yatut Jehová. Xlajw cha, 'ix japx 'a yatut, sc'ann tas tzc'uxu, 'ix wa'i.

A Ch'an̈ Schab'l Libro Samuel 20:16

Yajn̈ej 'ix 'awj jun 'ix 'ix caw jeln snab'en, 'ix q'ue lin̈n 'ix 'a yib'n̈ smuroal, 'ix yaln 'ix 'ixtic: —¡'Ab'ec! 'Ab'c tas tzwala, alc 'a win Joab, to tzcot 'a tic, yujto tzin nib'j tzin paxtin yet'oc, xchi 'ix.

A Ch'an̈ B'ab'el Libro Yic Yab'ixal Eb' Rey 14:2

Yuj cha, 'ix yaln win Jeroboam chi 'a 'ix yistzil 'ixtic: —A ticnec, 'ixc 'a chon̈b' Silo muc'uc, yujto ata 'ay win Ahías win schecb' Dios, win 'ix aln 'ayin chajtlto an 'oj woch reyl 'a jun chon̈b' tic. Jel-l a pichul, mac a sat, sec ma'oj ach yilch eb' toto wistzil ach.

A Ch'an̈ B'ab'el Libro Yic Yab'ixal Eb' Rey 14:5

palta a Jehová tox 'ix yal 'a win 'ixtic: Tic wan sjaw 'ix yistzil win Jeroboam wul sc'anb'c 'aych yuj jun win yune 'ix ya'ay. 'Ixtc 'oj otc ta'wc a b'a 'a 'ix, yujto 'oj sjelmtoc sb'a 'ix, yic 'oj jawc 'ix 'ayach, xchi.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Nehemías 3:27

A eb' 'aj Tecoa sb'o eb' nan̈l xo muro 'a yojltac jun torre caw niwquil ste'il masnto xc'och pax 'a Ofel.

Nehemías 3:5

Ax eb' 'aj Tecoa sb'on pax eb' yic cha, palta a eb' niwc winc 'a scal eb', ma'ix yal sc'ojl eb' xcolwj yet' eb' tzjucb'tzan jun munljel cha.

Salmos 104:15

atn yal uva tz'a'n tzaljoc qui c'ojl on̈, ax aceite tz'a'n pacb'oc qui sat yet' 'ixm 'ixm tzqui waj on̈.

Ec 9:8

Wach' cab' yilx qui pichlec tzca'c 'ochi, tzca'nec q'ue yan̈l qui jolom.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Am 1:1

An Amos in tic, cajm in noc' 'a chon̈b' Tecoa, a yic 'aych win Uzías reyl 'a chon̈b' Judá, ax Jeroboam, yunnal Joás, a 'aych reyl 'a Israel. Chab'oct ab'il sjaw jun niwquil quixcab' 'a jun chon̈b' tic, 'ix yaln Dios 'ayin to tzwal jun tzo'n̈ paxti tic 'ixtc 'a yib'n̈ chon̈b' Israel.

Mt 6:17

Palta ax xo tic, a yic tzex 'och 'a c'ajb'c'ojlal, tze b'icl e sat, tze quichn e jolom,

Rt 3:3

Yuj cha, 'oj a yiclj smasnil tastc 'oj wal 'aych tic: 'Achnan̈, tza'n 'och perjuma 'ayach, tza'n 'och a pichl caw wach', tzlajw cha, tzach 'at 'a 'aj 'ayc' win cha, palta man̈ a comn ch'oxc a b'a 'a yic mantzac lajw swa winac.