A Ch'an̈ Schab'l Libro Samuel 13:4 - Chuj San Sebastian Bible

⁴ 'Ay jun c'ual, 'ix sc'anb'n win Jonadab chi 'a win Amnón chi 'ixtic: —Ach yunnal rey, ¿tas yuj caw tacnc a c'ojol? 'A junjn c'u 'ipn a tz'onb' cha'an̈. ¿Tom matz tac' aln 'ayin tas yuj 'ixta tzach 'aji? xchi winac. 'Ix ta'w win Amnón chi 'ixtc 'a winac: —Caw wal tzin nib'j 'och 'unx Tamar, 'unx yanb' ni wu'tac Absalón, xchi winac.

Chuj San Mateo Bible

⁴ Ay jun c'u ix sc'anb'ej vin̈ d'a vin̈aj Amnón chi': —Ach yuninal rey, ¿tas tzach ic'ani? ¿Tas yuj junjun c'u tzach te tz'onb'i yuj cusc'olal? Al d'ayin tas tzach ic'ani, xchi vin̈. Ix tac'vi vin̈aj Amnón chi': —Ste can val in gana d'a ix Tamar, yanab' vin̈ schab'il vuc'tac aj Absalón, xchi vin̈.

A Ch'an̈ Schab'l Libro Samuel 13:4 Iomraidhean Croise

A Ch'an̈ Schab'l Libro Samuel 13:3

'Ay jun swach'c'ojl win caw jeln 'a stu'al, Jonadab sb'i, yunnal jun win tzcuch Simea, yu'tac sb'a win yet' David.

A Ch'an̈ Schab'l Libro Samuel 13:5

'Ix ya'n Jonadab chi snab'enoc Amnón, xyaln 'a 'ixtic: —'E'n̈ t'ocn 'a sat a ch'at, tzalni to wan a cham a'noc 'es. Ax yic tzjaw a mam ach yila', tzaln 'a 'ixtic: Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar, yic tzwul sb'onc 'unx jac tas tzin c'uxu. A yic 'oj wilnc tas tzb'o 'unx in c'ux cha, ax wul ya'nc 'unx 'ayin, ax in nib'n in c'uxu', xa chi 'a 'a, xchi win Jonadab chi 'a Amnón.

A Ch'an̈ B'ab'el Libro Yic Yab'ixal Eb' Rey 21:5

Xlajw cha, xjaw 'ix yistzil win 'a 'a, atn 'ix Jezabel, xyaln 'ix 'a win 'ixtic: —¿Tas yuj tzach cusi, man̈xtzac yal a c'ojl tzach wa'i? xchi 'ix 'a winac.

A Ch'an̈ B'ab'el Libro Yic Yab'ixal Eb' Rey 21:7

—Ach tic sreyl ach Israel, q'uen̈ wa'an, wa'an̈, man̈ ach cusoc. Mun 'oj in na' tas 'oj 'aj eca'an slum win Nabot cha, xchi 'ix yistl win cha.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Lv 18:9

May cab' mach tzb'on 'ajmulal yet' yanab', wach'xam to schab'l 'anb' yaj yuj smam mto yuj snun; toxn̈ej 'a yol yatut smam 'aljnac 'ix, mto chuc 'ajtil 'aljnac 'ix, matz tac' sb'on 'ajmulal yet' 'ix.

Lv 20:17

Toto 'ay junc winc tz'och yanb' yistziloc, yanb' yuj smam mto yuj snun, 'ayx mul tzb'o eb', wal 'a sat eb' chon̈b' chi smasnil, tzcham eb' schawn̈il. Mun a eb' tzyij cot chaml 'a yib'an̈, yujto a mach tzb'on 'ajmulal yet' yanab', yel xo wal q'uixweltac.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.