A Ch'an̈ Schab'l Libro Samuel 13:26 - Chuj San Sebastian Bible

²⁶ Yuj cha, xyaln win Absalón chi 'ixtic: —Toto caw matz ach 'at wet'oc, comnoc tz'el a c'ojl a'n 'at ni wu'tac Amnón wet'oc, xchi. 'Ix sc'anb'n win rey chi 'a 'ixtic: —¿Tas yuj tza nib'j tz'at ni Amnón chi et'oc? xchi.

Chuj San Mateo Bible

²⁶ Ix yalanxi vin̈aj Absalón chi': —Tato val yel max yal-laj a b'ati, elocab' d'a a c'ol a chaanb'at vin̈ vuc'tac aj Amnón ved'oc, xchi vin̈. —¿Tas yuj tza nib'ej sb'at vin̈ uc'tac aj Amnón chi' ed'oc? xchi vin̈aj rey David chi' d'a vin̈.

A Ch'an̈ Schab'l Libro Samuel 13:26 Iomraidhean Croise

A Ch'an̈ Schab'l Libro Samuel 13:25

'Ix ta'w win rey chi 'ixtc 'a Absalón: —May ach wunnal, matz tac' qui 'at qui masnil on̈, sec man̈ niwnoc tas 'oj 'at qui laj 'aych on̈, xchi David. —Wach'xam 'ix tew 'och wal Absalón chi 'a win rey cha, palta ma'ix 'ati, cojn to xyal wach' paxti 'a yib'an̈.

A Ch'an̈ Schab'l Libro Samuel 13:27

Palta 'ix tew 'och wal Absalón chi yuj winac, yuj cha, 'ix 'ajx 'at win Amnón chi yet' smasnil eb' yunnal win rey chi yet' Absalón cha. Xya'n 'och win jun sq'uin̈, caw lajn 'icha yic eb' rey.

A Ch'an̈ Schab'l Libro Samuel 20:9

Ax Joab 'ix smasn 'ec' swach' c'ab' 'a xil sti Amasa, yic tz'ub'n 'elt sti', xyaln 'a 'ixtic: —¿Wach' am ec wu'tac? xchi.

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Pr 26:24

A mach tu snab'en, caw wach' tzyutj paxtinc sb'a, palta ax 'a snab'en, caw wal tu tas nab'il yu'uj.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.