A Ch'an̈ Schab'l Libro Samuel 12:16 - Chuj San Sebastian Bible

¹⁶ Yuj cha, syamn 'och David sc'an 'a Dios, sec tzb'ox sc'ojl win 'unn cha. 'Ix ya'n 'och sb'a 'a c'ajb'c'ojlal, ax 'a sat lum tz'ec' t'ocn sway 'a junjn 'ac'wal.

Chuj San Mateo Bible

¹⁶ Yuj chi', ix och ijan vin̈ sc'anan d'a Jehová to sb'oxi sc'ol vin̈ unin chi'. Ix och vin̈ d'a tzec'ojc'olal, ix cann̈ej telan vin̈ d'a sat luum d'a junjun ac'val.

A Ch'an̈ Schab'l Libro Samuel 12:16 Iomraidhean Croise

A Ch'an̈ Schab'l Libro Samuel 12:15

Xlajw cha, xpax win Natán 'a yatut. Ax Jehová 'ix 'a'n 'och syailal win nene 'unn yic David chi yet' 'ix yistzil can win Urías cha, caw wal ow x'ajch syailal win cha.

A Ch'an̈ Schab'l Libro Samuel 12:22

'Ix ta'w 'a eb' 'ixtic: —Yujto pitznto win 'unn cha, yuj cha, in 'och 'a c'ajb'c'ojlal, in 'oc' yuj winac. 'Ix in nani, lemb'il tzyac' Dios niwnc'ojlal 'ayn yet' winac, sec matz chami.

A Ch'an̈ Schab'l Libro Samuel 13:31

Yuj cha, 'ix q'ue wan win rey chi 'a yet'ul, 'ix stzilnjat win spichul yic tzch'oxn 'eli to 'ay scusc'ojlal. 'Ix sjuln 'ec' t'ocn sb'a 'a sat lu'um. An̈jtona eb' schecb' win rey 'ayc' yet'oc, locn eb' stziljat spichl chi yet' winac.

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

Nehemías 1:4

A yic xwab'n jun tzo'n̈ paxti cha, in 'emwocn woq'ui, caw in cus jaye c'ual, in 'och 'a c'ajb'c'ojlal, in leslwi 'a Dios 'ay yic satcha'an̈.

Ester 4:16

'Ixic, molb'tzej smasnil eb' quit chon̈b' cajn 'a yol chon̈b' Susa tic, 'och cab' eb' 'oxe'oc c'u 'a c'ajb'c'ojlal wuj an tic. May cab' tas tze c'uxu, may pax cab' tas tzeyu'j 'a 'oxe c'u cha, yet' 'oxe'oc 'ac'wal. An̈jtona pax eb' 'ix tzin 'a'n servil an tic, 'oj 'och eb' 'ix 'a c'ajb'c'ojlal wet'oc. 'Oj lajwc cha, ax 'at wilnc win rey cha, wach'xam man̈ 'ixta'oc yaln ley. Toto yuj cha, ax in milx cham jun, chamquin cab'i', xchi Ester.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 69:10

A yic tzin 'oq'ui, yic tzin 'och pax 'a c'ajb'c'ojlal, caw tzlaj b'uchwj eb' 'anma 'ayin.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Dn 6:18

Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha.

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

A Tas Sc'ulejnac Eb' Schecab' Jesús Hechos 9:9

Ax 'ix c'och ta', 'oxe c'u matz tac' yiln xon jab'oc. May xon jac tas sc'uxu, may pax jac tas xyuq'uej.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.