A Ch'an̈ Schab'l Libro Samuel 11:2 - Chuj San Sebastian Bible

^2-4 Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Chuj San Mateo Bible

² A d'a jun yemc'ualil, ix q'ue vaan vin̈aj rey David chi' d'a sat sch'at, ix q'ue vin̈ matz'anel d'a span̈anil yib'an̈ spat. Ayic ayec' vin̈ ta', ix yilanb'at jun ix ix vin̈, van sb'ican sb'a ix, te vach' yilji ix ix yil vin̈.

A Ch'an̈ Schab'l Libro Samuel 11:2 Iomraidhean Croise

Gn 12:11

A yic wan sc'och 'a Egipto cha, 'ix yaln 'a Sarai 'ixtic: Ach wistzil, a ticnec 'ay wal jun tas tzin na'a. Ach tic caw wal wach' elxi.

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Gn 34:2

Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.

Gn 39:6

X'ochcn José yilmalc smasnil, man̈x 'a junc tas tzna win Potifar, cojxn tas tzna'a to si'lj tas tzc'uxu. Caw wal wach' yilx 'och José, wach'n̈j 'a smasnil.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

A Ch'an̈ Schab'l Libro Samuel 13:1

A win Absalón yunnal David, 'ay jun 'ix yanb' win Tamar sb'i, caw wal wach' yilx 'ix. Ax x'aji, ax junx win yunnal David tzcuch Amnón, a win xya'ch snab'en 'a 'ix.

A Ch'an̈ Schab'l Libro Samuel 14:27

'Ay 'oxwn̈ yunnal Absalón, jun pax yisil, a 'ix yisl win cha, Tamar sb'i 'ix, caw wach' yilxi.

A Ch'an̈ Schab'l Libro Samuel 4:5

Ax eb' yunnal Rimón 'aj Beerot, atn Recab yet' Baana, 'ix 'at eb' 'a yatut win Is-boset. A wal yowb' c'ac' 'a yic chimc'ual 'ix c'och eb', c'uxn wal waync win 'a sat sch'at.

A Ch'an̈ Schab'l Libro Samuel 4:7

Ax yic x'och eb' 'a yol n̈a cha, 'ix yiln eb' c'otn 'ec' Is-boset sway 'a sat sch'at 'aj tzwayi. 'Ix smiln eb', stzu'n 'el eb' sjolom. Xlajw cha, xyi'n 'at eb' yet'oc. Smasnil 'ac'wl xb'ey eb' 'a jun b'e yic Arabá,

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Salmos 119:37

Man̈ in a cha 'och tza'n yuj jun tzo'n̈ comn dios; 'ac' in tzatzil, sec tzin b'eylb'ej tas tza nib'ej.

Pr 19:15

A 'isjal a tz'i'n cot wayan̈, a mach 'isaj, 'oj yab' syal yuj wejel.

Pr 31:30

A eb' 'ix 'ix wach' yilx yet' sniwnal, 'ay 'ajtil ton̈j montnub'l yaj eb' 'ix. A swach'l yilx sat eb', yajn̈ej tzjelmj yilxi, palta a 'ix 'ix to 'ay yel'ch Jehová 'a sat, smoj wal to niwn yel'ch 'ix.

Pr 6:25

Man̈ a nib'c 'och swach'l yilx 'ix. Man̈ ac' somchjoc a nab'en yuj tas tzach yutj 'ix ach yiln 'ochi.

Pr 7:8

A yic yemc'ul xo, yic wan sq'uic'b' cha'an̈, 'ix 'e'ch win 'a jun 'isquinyo. 'Ix sc'axptan 'ec' jun caye tz'ec' 'a stojlal 'aj 'ay yatut jun 'ix 'ajmul 'ix 'ay yichmil.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Mt 24:17

A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Dt 5:21

Man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och yatut, slu'um, smoso, mto junc 'ix ya'mal servil junc mach, swacax, sb'uru yet' tzann̈j tas 'ay 'a 'a, xchi Dios, xchi Moisés.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.

A Ch'an̈ B'ab'el Libro Samuel 9:25

Ax yic x'emx wul eb' 'a lum tzaln cha, 'ix 'och eb' 'a yol chon̈b' cha. 'Ix paxtin Samuel yet' Saúl 'a span̈nil yib'n̈ yatut.