A Ch'an̈ Schab'l Libro Samuel 10:4 - Chuj San Sebastian Bible

⁴ Yuj cha, 'ix ya'n win Hanún chi yamchjoc eb' schecb' David cha, 'ix ya'n win joxxoc 'el c'axp xil sti eb', 'ix ya'n win lot'xoc 'el sti spichl eb', masnto xq'ue'ch 'a sti syop eb'. Xlajw cha, schecn meltzjoc win eb'.

Chuj San Mateo Bible

⁴ Yuj chi', ix schecan vin̈aj Hanún chi' yamjoc eb' schecab' vin̈aj rey David chi', ix joxjiel xil sti' eb' d'a jun pac'an̈ spac'ul sti', ix poljiel yoctac sti' spichul eb' masanto ix q'ueul d'a sti' syoop eb', ix lajvi chi' ix schecan pax eb' vin̈.

A Ch'an̈ Schab'l Libro Samuel 10:4 Iomraidhean Croise

A Ch'an̈ Schab'l Libro Samuel 10:5

A yic xyab'n sb'a David to 'ixta x'aj eb', 'ix ya'n 'at schamal eb' 'a yol b'e, yujto caw q'uixweltac yilx eb'. 'Ix yaln win rey cha, to ata tzcan eb' 'a chon̈b' Jericó, at tzq'uib'x xil sti eb' cha, 'ixta to b'i'an tzjapx eb' 'a Jerusalén.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Lv 19:27

Man̈ setnxojoc tzeyutj e joxn 'el xil e jolom, man̈ e joxl pax xil e ti'.